Lukas 20:5 - Abun Scripture

⁵ Orge yepasye ne ki nai yu do, ”Men ki sa u nai An ne? Men do ki do, ’Yefun Allah anato bes Yohanes’ it yo, bere An ndo mo men do, ’Sane nin yo jammo Yohanes nde wa suma ne?’

Lukas 20:5 ပူးပေါင်းရင်းမြစ်များ

Matius 16:7

Pakon ne nutbot suk gato Yefun Yesus ki ne, ete pakon ne ki nai yu do, ”Yefun Yesus ki sukdu subot ye Farisi si ye Saduki bi bibit roti-i, we men yo gwat roti nde bayok.”

Matius 21:25

Ji ndo mo nin do, ’Je u anato bes Yohanes wa ras nje mo syur ne, Yefun Allah bado, yetu e?’ ” Orge yekwesu si yepasye ne kibot su yu ware, án yo ku os nde, án ndo mo yu do, ”Men ki sa u nai An ne? Men do ki do, ’Yefun Allah anato bes Yohanes’ it yo, bere An ndo mo men do, ’Sane nin yo jammo Yohanes nde wa suma ne?’

Lukas 20:4

’Je u anato bes Yohanes wa ras nje mo syur ne, Yefun Allah bado, yetu e?’ Nin ki napyo nai Ji jam et.”

Lukas 20:6

Wo men do ki do, ’Yetu anato bes Yohanes’ it yo, bere yé mwa more maskwa men ete am men su jok, we yé mwa ne onyar kem mo Yohanes tepsu yenabi gato Yefun Allah bes ne.”

Yohanes 1:30

Ji ki sukdu subot Domba Gan ne napyo nai nin jam mó re, sare do, ’Yetu ge dik yo boribot ji, sarewo An gum kok sye wai kadit ji o re, we suga ji bi im yo pe ji nde tó, An mó re.’

Yohanes 1:34

Ji dakai me suk ne bor su ji gro mó re. Sane ji ki rer wa yé mwa ne sino jam do, Ye ne anato Yefun Allah bi Gan.”

Yohanes 3:26

Orete Yohanes bi pakon ne ma mo Yohanes, án ki nai Yohanes do, ”Yeguru, nan napawa tomgato nyim, Yetu ge dik yo sisu nan mo Syur Yordan tak de nim. Nan ki sukdu subot An rer nai men jam re, wo su ré An dom ras nje mo syur, ete yé mwa ne sino mu kadit men mu mo An re.”

Yohanes 3:36

Ye to onyar kem mo Yefun Allah bi Gan yo, ye ne mbau to kapyo mato kapyo, wo ye to misyar An bi Gan ne yo, bere ye ne yo kem ndo mo nde, wo ye ne ku sukye mo Yefun Allah bi sukmaskwa ne sor to kapyo mato kapyo.”

Suk Gato Yerasul Ben Ne 13:25

Karowa Yohanes ben bi suk-i mo bur ré or sa, an ki do, ’Nin nut do, je u anato ji ré ne? Nin nut do, ji anato Ye gato nin eswa ma ne bado? Nde re. Ji ré nde re, wo Ye ne boribot ji. Ye ne, ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.’ ”