Lukas 20:26 - Abun Scripture

²⁶ Yé bok gato meret os wa án ben Yefun Yesus ki suk yo siri ne, án yo ku os yo mo nde. Yefun Yesus yo ki suk gato ibit nai yé mwa mone mo nde. Yé bok ne not kadit, we án yeket suk gato Yefun Yesus ki ne.

Lukas 20:26 ပူးပေါင်းရင်းမြစ်များ

Matius 22:12

An ndo mo ye ne do, ’Yesyim, nan it san yo tepsu wa nan simo sukra ré nde, nan ku os wa nan sok more sa u ne?’ Ye ne not sor, ye ne yo ki suk wokgan yo dom nde.

Matius 22:22

Yé jam suk gato Yefun Yesus ki ne sa, yé yeket sukdu ne. Yé Farisi bok ne yo ku os nde, sane yé misyar, ete yé mu kadit An re.

Matius 22:34

Ye Farisi jam do, Yefun Yesus ki bi sukdu gato ben ye Saduki not sa, án sum, orete án mu ku Yefun Yesus.

Matius 8:10

Yefun Yesus jam yesukmise bi yesu bi sukdu ne sa, An yeket, ete An ki nai yé bok yo gato simo An mone do, ”Mban! Ye gare sa. Suk gato Ji ki ré suksangge anare, mo ye Israel bok ne sino, Ji yo ku ye gato onyar kem mo Ji tepsu ye gare mo nde.

Lukas 11:54

subere Yefun Yesus do ki suk yo siri it yo, ye Farisi si yeguru mwa ne ku os wa án ben sukye nai Yefun Yesus.

Lukas 13:17

Yefun Yesus ki An bi sukdu ne sa, ye gato maskwa Yefun Yesus ne damen ndo nde, sarewo yé mwa nut do suk gato Yefun Yesus ben ne, suk mwa ne ndo wai o re.

Lukas 20:20

Sane yeguru si yekwesú ne eswa bi kam-i tep wa án but Yefun Yesus. Yekwesú ne syo sugum nai yetu ge bok yo gato ben nggwa tepsu ye gato ben sukndo. Yé bok ne mu ndarwa Yefun Yesus, yé ne meret os wa ben kidar Yefun Yesus. Án ndobot Yefun Yesus, subere Yefun Yesus do ki suk yo siri it yo, án ku os wa án but Yefun Yesus, ete án gwat Yefun mu án syo mo yepasye gato jowa bur ne syim-i.

Roma 3:19

Men jam do, sukduno mwa mo ye Yahudi bi sukduno-i ne, ye krom wa yé gato sukduno ne kem su ne, subere án jam ete benbot sukduno ne. Ye Yahudi mwa ne jam sukduno ne, sane anato án yo ku os wa án ki do, án jam nde re. Bere Yefun Allah ki men yetu mwa ne mo bur ré syen Yefun bi sukduno ne.

Titus 1:10

Nan bes yekwesu gato jom sukduno gato sangge ne, we yé mwa bariwa jammo sukduno gato ndo. Yé mwa ki sukdaret gato yo ós nje nde, yé mwa ne ki bi sukdu-i kidar nje sor re. Yé gato ki bi sukdu-i sane mwa wai kadit ye yi anato ye gato simo ye Yahudi bi sukduno-i. Yé gane duwer men subere men simo sunat.