Lukas 20:24 - Abun Scripture

²⁴ ”Nin gwat ye Roma bi sugum det dik yo ma wa Ji me et. Yé krom je u ana kaim mo sugum det ré ne? Yé krom je u ana gum mo sugum det ré ne?” Yé ne ki do, ”Yé krom Kaisar kaim mone, si yé krom Kaisar gum mone.”

Lukas 20:24 ပူးပေါင်းရင်းမြစ်များ

Matius 18:28

Pa ne syesyar kadit yenggras bi nu saresa, pa ne ku pakwerut dik yo o. Pa we wok ré bi bon wokgan kom mo ribu bok yo, sarewo pa we sye but pa we wok ete sorom pa ne syidem sane sor bergan pa we wok yo tik mas ndo o nde, ete pa we sye ki do, ’Nan bi ji bi bon mo ji kekro et.’

Matius 20:2

An tom su do, bere an syo sugum kom mo perak det dik, tepsu gaji wa kam no dik, orete an syogat yé bok ne mu ben suk mo nggwe ne.

Matius 22:20

orete An ndo mo yé ne do, ”Yé krom je u ana kaim mo sugum det ré ne? Yé krom je u ana gum mo sugum det ré ne?”

Markus 12:16

Sane yé gwat sugum det dik yo ma syo nai Yefun Yesus, orete An ndo mo yé ne do, ”Yé krom je u ana kaim mo sugum det ré ne? Yé krom je u ana gum mo sugum det ré ne?” Yé ne ki do, ”Yé krom Kaisar kaim mone, si yé krom Kaisar gum mone.”

Lukas 2:1

Elisabet kem su mom bi pa Yohanes or, sugane Kaisar Agustus gum yekwesu wa ye Roma bi bur-i {Kaisar jom ye Yahudi bi bur-i dom}. Sane Kaisar syaugat yé mubot ye Roma bi bur-i subere yé krom yé mwa gato kem mone sino gum o re.

Lukas 20:22

Sane, men iwa men jam Nan bi sukjimnut subot sukdu ré et, sare do, pemerintah bi yekwesu gato gum do Kaisar syogat men bi sugum pajak nai an, sane men ye Yahudi bi sukduno-i ki suma ne? Men bi sugum pajak anato ndo tepsu sukduno ne bado, siri kadit e?”

Lukas 20:23

Yefun Yesus jam yé ne meret os wa An subere yé maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Sane An ki do,

Lukas 20:25

Sane Yefun Yesus ki nai yé ne do, ”Sane, Kaisar bi suk-i yo, men syo nai Kaisar, wo Yefun Allah bi suk-i yo, men syo nai Yefun sor.”

Lukas 23:2

Yepasye ne gwat Yefun Yesus mu kom mo Pilatus sa, án ndak Yefun Yesus, án ki do, ”Ye ré ben kidar men bi nje. An ben kidar men anato men simo os ibit, ete men yo jammo men bi yekwesu mo bur ré o nde. Ye gato iwa bi sugum pajak nai nin ye Roma bi yekwesu, Kaisar ne, An duwer yé ne. Ye ré ki do, An anato Kristus, Yekwesu gato Yefun Allah syogat ma wa jowa men ye Yahudi, tepsu men ye Yahudi bi Yekwesu.”

Lukas 3:1

{Yohanes gato Zakaria bi pa ne, an kem mo pe gato kwe yo kom mo nde mo bur Yudea.} Sugane ye Roma jom ye Yahudi bi bur. Sane, ye Roma bi yekwesu Kaisar Tiberius jowa ye mone sa, an bes Pontius Pilatus gum gubernur mo bur Yudea. Kaisar bes Herodes jowa nje mo bur Galilea dom. Herodes bi nji, Filipus jowa nje mo bur Iterea si Trakhonitis. Lisanias jowa nje mo bur Abilene. Kaisar jom nje mo ye Yahudi bi bur mu kom mo tahun musyu dik sop mek sa,

Suk Gato Yerasul Ben Ne 11:28

Yenabi ge dik yo gum do, Agabus. An ti mo yé mwa gwem, Yefun Allah Gen bok nggwa mo an, ete an ki do, ”Kapyo tak, bere sukonde sye ma mo bur gato ye Roma jowa ré sino.” (Ri ma, sangge, sukonde ne bor sugato Kladius jowa ye Roma.)

Suk Gato Yerasul Ben Ne 26:32

Orge Agripa ki nai Festus do, ”Ye gare kiwa Kaisar kibot an bi sukdu-i ne, ondesor sa, nan sombok an wé sor.”

Filipi 4:22

Ye gato onyar kem mo Yesus Kristus gato kem mo kota ré, án sino ki ndo mo nin. Yé gato ben suk mo Kaisar bi nu more, án ki ndo mo nin dom.