Lukas 20:21 - Abun Scripture

²¹ Sane yé bok ne gato meret os wa ben kidar Yefun Yesus, yé ne ma ete ki nai Yefun Yesus do, ”Yeguru, men jam do, suk mwa gato Nan duno men su ne ndo sino. Nan duno men yetu, yepasye si ye gato wok ne sino, Nan duno men su Yefun Allah bi sukdu-i ne rer sor. Nan duno yé mwa ne sino tepsu yu.

Lukas 20:21 ပူးပေါင်းရင်းမြစ်များ

Matius 22:16

Ye Farisi syogat án bi pakon ge bok yo si ye gato simo Herodes ge bok yo mu ku Yefun Yesus, ete án ndo mo Yefun Yesus do, ”Yeguru, men jam do, Nan sa, Nan anato ye gato ben bi suk-i ri-roi sor. Men jam do, Nan kibot Yefun Allah bi sukdu ne yo, kapre yepasye ke, ye gato gum wok ke, Nan duno men su Yefun Allah bi sukdu-i ne rer sor. Nan duno yé mwa ne sino tepsu yu. Nan yo brek nden we mo sukdu gato Nan ki ne nde.

Markus 12:14

Yé bok ne mu ku Yefun Yesus, ete án ki do, ”Yeguru, men jam do, Nan sa, Nan anato ye gato ben bi suk-i ri roi. Men jam do, Nan kibot Yefun Allah bi sukdu ne yo, kapre yepasye ke, ye gato gum wok ke, Nan duno men sino su Yefun Allah bi sukdu-i ne rer sor, Nan duno yé mwa ne sino tepsu yu. Nan yo brek nden we mo sukdu gato Nan ki ne nde. Sane, men iwa men jam Nan bi sukjimnut subot sukdu ré et, sare do, ’Pemerintah bi yekwesu gato gum do Kaisar syogat men bi sugum pajak nai an, sane men ye Yahudi bi sukduno-i ki suma ne? Men bi sugum pajak anato ndo tepsu sukduno ne bado, siri kadit e? Nan nut do Yefun Allah iwa men bi sugum nai Kaisar, bado, An yo iwa nde e?’ ”

Lukas 20:20

Sane yeguru si yekwesú ne eswa bi kam-i tep wa án but Yefun Yesus. Yekwesú ne syo sugum nai yetu ge bok yo gato ben nggwa tepsu ye gato ben sukndo. Yé bok ne mu ndarwa Yefun Yesus, yé ne meret os wa ben kidar Yefun Yesus. Án ndobot Yefun Yesus, subere Yefun Yesus do ki suk yo siri it yo, án ku os wa án but Yefun Yesus, ete án gwat Yefun mu án syo mo yepasye gato jowa bur ne syim-i.

Lukas 20:22

Sane, men iwa men jam Nan bi sukjimnut subot sukdu ré et, sare do, pemerintah bi yekwesu gato gum do Kaisar syogat men bi sugum pajak nai an, sane men ye Yahudi bi sukduno-i ki suma ne? Men bi sugum pajak anato ndo tepsu sukduno ne bado, siri kadit e?”

Yohanes 3:2

Noru dik yo an ma ku Yefun Yesus, ete an ki do, ”Yeguru, men jam do Yefun Allah syogat Nan ma mo bur ré, we Yefun Allah do yo sisu Nan mo nde yo, Nan yo nggiwa ben suk gato kadum Yefun Allah bi suktinggi gato ben men yeket ne yo mo nde.”

2 Korintus 2:17

Men ki subot Yefun Allah bi sukdu-i yo, men meret sugum su dom nde, tepsu yé mwa neya ben ne. Men ben sane nde, wo men sok mo Kristus bi rus-i anato men ki subot Yefun Allah bi sukdu-i ri-roi sor, Yefun dakai jam re. Men anato ye gato Yefun Allah bes wa ki Yefun bi suktaru nai nje jam re.

Galatia 1:10

Sane ji ki ji bi sukdu-i wa meret os subere yetu iwa ji bado? Sane nde re, wo ji ki ji bi sukdu-i subere Yefun Allah iwa ji sor. Ji krom sukdu wa tik yetu mit subere yetu mit iwa ji bado? Nde re. Ji do ki sukdu subere yetu iwa ji yo, ji tepsu Kristus bi pakwerut nde.

Galatia 2:6

Ji mu ku yekwesu bok gane mo Yerusalem sa, ji yo bes yekwesu ne gum kok teker nde, ji yo nutbot án gum teker nde. Yefun Allah dom, An yo bes yekwesu ne gum kok mo suk gato yetu me mo de nden ne dom nde. Yekwesu bok gato sum mone jam ji bi sukdu-i, ete án yo duwer ji mo sukdu kwa dik yo dom nde, wo yekwesu ne imo.