Lukas 20:16 - Abun Scripture

¹⁶ Bere an ma, an gu yé gato mewa an bi nggwe ne wé, orete an syogat ye be yo o waii mewa an bi nggwe ne.” Yé syaretwa Yefun Yesus gwat sukamno ne or sa, yé ki do, ”Mban! Men bariwa sukibit sane bor mo men re.”

Lukas 20:16 ပူးပေါင်းရင်းမြစ်များ

Matius 21:34

Su kam gato anggur ne bo um, yenggras ne syogat an bi pakwerut ge bok yo mu mo ye gato mewa nggwe ne subere yé ne wat anggur bo napyo wa an.

Matius 21:41

Yekwesú si yepasye ne ki do, ”Bere an gu yé bok gato ben sukibit ne wé sor. Orete an syogat ye be yo o waii mewa an bi nggwe ne. Bere an kendo yé bok yo gato bere wat anggur bo napyo su an tepsu bi kam gato anggur bo um mone.”

Matius 22:7

Sane yeraja ne maskwa ndo nde, ete an syogat an bi yesukmise mu gu ye gato ben sukibit ne kwop wé ete syo bot git yé mwa ne bi kota ne or re.

Markus 12:9

Orete Yefun Yesus ndo mo yekwesú mo Yefun Allah bi nu si ye Yahudi bi yepasye mone do, ”Sane, yenggras gato bi bur det ne ma yo, bere an ben suma su ye gato mewa an bi nggwe ne? Bere an ma, an gu ye gato mewa an bi nggwe ne kwop wé, orete an syogat ye be yo o waii mewa an bi nggwe ne.

Lukas 19:27

Sane yo, nin kar yé gato bariwa jammo ji ne, nin kar yé gato bariwa ji gum yepasye wa jowa án ne. Nin gwat yé bok ne ma mo ji gwem, ete nin gu án kwop wé.’ ”

Lukas 20:15

Sane yé ne gwat pa mu kadit nggwe, ete yé gu pa kwop wé mone.” Orge Yefun Yesus ki do, ”Sane yenggras gato bi nggwe ne bere ben suma su ye gato mewa an bi nggwe ne?

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

Roma 11:1

Ji ndo mo nin sare do, ”Ye Israel gato An nai tepsu An bi rus-i su ketke ne te, su ré Yefun Allah dakai misyar bado?” Sane nde. Ji dakai dom ye Israel, ji bi amui mo Abraham, ji bi wis-i mo Benyamin.

Roma 11:11

Ji ndo mó o do: Ye Yahudi brek kadit Yefun Allah bi os-i ne, sane anato ye Yahudi yo ku os wa kem gesyos nde bado? Ye Yahudi yo ku os wa sok mo Yefun bi rus-i o nde, bado? Nde re. Ye Yahudi su krat, án bariwa án jammo os gato Yefun Allah fro wa án ne re. Sane anato Yefun fro os wa yewis yi sok mo An bi rus-i subere yewis yi kem ndo to kapyo mato kapyo, ete ri ma, ye Yahudi me Yefun nai yewis yi sok mo An bi rus-i anato ye Yahudi maskwa ket yewis yi mone.

Roma 3:31

Men onyar kem mo Yesus Kristus it, sane men nut do, men bare ye Yahudi bi sukduno-i wé, bado? Sane nde, wo men bi sukjimnut do, sukduno ne da ndo wa men dom, sukduno ne yo ós men sok mo Yefun Allah bi rus-i nde, wo sukduno ne ós men jam suk gato Yefun Allah iwa men ben ne, sane men benbot sor.

Roma 3:4

Sane nde re. Kapre yetu kidar suk, Yefun ben suk tepsu suk gato An ki ne petok sor, tepsu yeraja Daud krom sukdu subot Yefun Allah mo Yefun bi sukdu sare do, ”Nan ki Nan bi sukdu-i sangge tepsu suk gato Nan tom ne, yé dakai jam re; Kapre yé ndak Nan mo suk gato Nan tom ne, bere yé yo ku os nde.”

Roma 3:6

Sane nde. Yefun Allah bere syo sukye nai ye gato ben sukibit sor. Wo Yefun yo syo sukye nai men yetu mo sukibit gato men ben ne nde yo, bere sa u ne? Bere An yo ndobot men yetu mo bur ré mo nde, fe!

Roma 6:15

Su ré men jammo ye Yahudi bi sukduno-i ne o nde, wo men simo os gato Yesus Kristus kak wa men. Sane bere sa u ne? Men ben sukibit dakai daret bado? Nde re, men ben sukibit o nde.

Roma 6:2

Sane nde re. Ben sato men tepsu ye gato kwop, sukibit yo jom men o nde. Sane men ben sukibit gat pe o wa suma ne?

Roma 7:13

Sane sukduno gato ndo ne anato gwat sukkwop wa ji bado? Sane nde re, wo sukibit gato ji ben ne anato gwat sukkwop wa ji re. Sukduno ne da ndo, sarewo sukduno ne kadum suk gato ibit nai ji jam rer anato kak os wa sukibit gwat sukkwop wa ji. Sukduno ne da ndo, sarewo sukduno ne kak os wa gwat sukkwop wa men subere men jam do, suk gato men ben siri kadit sukduno ne ibit tep yi nde, wo suk gato men ben siri kadit sukduno ne ibit wai o re.

Roma 7:7

Sane, bere men kibot ye Yahudi bi sukduno-i ne sa u ne? Sukduno ne ibit bado? Sane nde re. Sukduno ne da ndo, sarewo ji jam sukduno ne anato ós ji subere ji jam suk gato ji ben ibit ne, ondeyo bere ji jam nde re. Sato sukduno ne ki do, ”Men gro sye wa nai ye yi bi suk nde,” anato ji jam do, ji do gro sye wa nai ye yi bi suk it yo, bere siri re.

Roma 9:14

Sane men ki subot suk gato Yefun ben su pa we ne sa u ne? Yefun Allah yo ben suk-i ri-roi nde bado? Sane nde re,

1 Korintus 6:15

Sane men kaim anato sok mo Yesus Kristus kaim. Nin nutbot sisu ndo et. Sane men gwat Kristus kaim mu ku nggon gato ben siri mwa, ete men ben siri su nggon ne, men si nggon ne tepsu dik digane anato ndo, bado? Nde re! Men ben sane wam dik yo dom nde!

Galatia 2:17

Men onyar kem mo Yesus Kristus, ete mone Yefun Allah nai men sok mo An bi rus-i. Sane men do ben suk yo gato ibit mó tó yo, Yesus Kristus anato syokom men ben sukibit ne tó, bado? Nde re!

Galatia 3:21

Ye Yahudi bi sukduno-i gato Musa krom ne te, siri kadit suk gato Yefun Allah tom su Abraham ne bado? Nde re! Ye Yahudi bi sukduno-i do nggiwa kak os wa men sok mo Yefun bi rus-i ete men kem ndo yo, bere Yefun nai men sok mo An bi rus-i mo suk gato men ben tepsu sukduno ne.

Galatia 6:14

Wo ji dakai yo bes sukdu daret sane kok mo nde, wo ji bes sukdu subot men bi Yekwesu Yesus Kristus gato kwop mo kwesukwin ne kok sor. Ji bes sukdu subot Yesus Kristus mo kwesukwin ne kok wai, sane anato ben sato ji kwop kadit sukdu daret gato ye ki subot sunat e ne. Sukdu daret gato yé ki mo bur ré, ji misyar or re.