Lukas 2:49 - Abun Scripture

⁴⁹ Yefun Yesus ki nai An bi im si bi ai do, ”Nin ka we meret Ji wa suma ne? Nin ka we nutbot sisu ndo sa, bere nin ka we jam do, Ji kem mo Ji bi Ai, gato Yefun Allah ne bi nu re.”

Lukas 2:49 ပူးပေါင်းရင်းမြစ်များ

Matius 21:12

Orete Yefun Yesus mu mo Yefun Allah bi nu. Yefun Yesus sok mo ros gato ye nggo wairi wa Yefun Allah bi nu ne de mit. An sok mone sa, An syun yé bok ne sino gato so suk mone titi wé kadit pe ne. An brek yé gato win sugum bi meja, An brek yé gato so ndabu bi bangko.

Lukas 2:48

Pa bi im si bi ai ku an we bi Pa sa, an we yeket, we Pa si yeguru bok yo kem mone, ete Pa bi im ki nai Pa do, ”Yesus, Nan ben sukye wa men ka we ré wa suma ne? Ji si Nan bi ai meret Nan ware, men ka we kwabom dek bot nan ndo nde go!”

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

Yohanes 5:17

Sarewo Yefun Yesus ki nai ye Yahudi bi yepasye ne do, ”Ji bi Ai Yefun Allah ben suk gat sor kom mo kam ré, sane Ji waii ben suk dom.”

Yohanes 5:36

Yohanes ki bi sukdu-i subot Ji mó re, sarewo suk mwa ne sino gato Ji bi Ai syogat Ji ben more kadum rer wai kadit sukdu ne do, Yefun Allah anato syogat Ji ma mo bur ré re.

Yohanes 6:38

We Ji is kadit gu ma mo bur ré wa Ji ben Ji bi Ai bi suk-i gato An imo, we An anato syogat Ji ma more. Ji yo ben Ji dakai bi suk-i nde.

Yohanes 8:29

Ji bi Ai gato syogat Ji ma mo bur ré, An anato sisu Ji pe. An yo misyar Ji wadigan kem nde, we Ji ben suk tepsu An mit petok sor.”

Yohanes 9:4

Ji kem mo bur ré su nombrak tó, sane men ben suk tepsu Ye gato syogat Ji ma more ki ne. Men ben An bi suk-i su nombrak. Noru it yo, men yo ben suk yo o nde.