Lukas 2:48 - Abun Scripture

⁴⁸ Pa bi im si bi ai ku an we bi Pa sa, an we yeket, we Pa si yeguru bok yo kem mone, ete Pa bi im ki nai Pa do, ”Yesus, Nan ben sukye wa men ka we ré wa suma ne? Ji si Nan bi ai meret Nan ware, men ka we kwabom dek bot nan ndo nde go!”

Lukas 2:48 ပူးပေါင်းရင်းမြစ်များ

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Lukas 2:49

Yefun Yesus ki nai An bi im si bi ai do, ”Nin ka we meret Ji wa suma ne? Nin ka we nutbot sisu ndo sa, bere nin ka we jam do, Ji kem mo Ji bi Ai, gato Yefun Allah ne bi nu re.”

Lukas 3:23

Yefun Yesus sye karowa kom mo tahun musyu gri ne, ete An mu ben suk gato An bi Ai syogat An ma wa ben ne. Yé nut do, Yefun Yesus bi ai mo Yusuf. Yé jam do, Yusuf bi ai mo Eli;

Lukas 4:22

Yé mwa mone sino un Yefun Yesus gum. Yé mwa mone yeket Yefun Yesus mo An bi sukdu ne. Yé ne ki do, ”An ki An bi sukdu-i ndo wai o re.” Orete yé ne ndo mo yu do, ”Ye gare te, An anato Yusuf bi gan, fe? {Ben sa u anato An ki An bi sukdu-i ndo teker sare ne?}”

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”