Lukas 2:34 - Abun Scripture

³⁴ Orete Simeon ki suk su Yefun Allah subere Yefun ben sukndo su an we. Simeon ki suk su Yefun or, Simeon ki nai Pa bi im gato Maria ne do, ”Pa ré sye yo, ye Israel mwa bariwa An, sane bere yé mwa ne ku sukye mone. Wo ye Israel deyo iwa An, sane bere yé gato iwa Pa ne ku suk gato ndo, bere yé ne mbau to kapyo mone. Yefun Allah syogat Pa ré ma wa kadum Yefun Allah bi suktinggi nai men yetu, wo bere yé mwa bariwa Pa ré re.

Lukas 2:34 ပူးပေါင်းရင်းမြစ်များ

Matius 11:19

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato ben sukibit sato yé gato nai sugum kadit nje wa pemerintah e neya.’ Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino fro os gato ndo ne, ete bere yé me os ne bor re, ete yé ki do, sangge, os ne sa, os ndo.”

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Matius 21:44

Yé mwa ne sino gato gwes ti mo jok gato ndo ne ges, bere an kaim mbrur re, wo ye gato jok gato ndo ne ges gwa it yo, bere an dat de su bur.]”

Matius 27:63

Yekwesú mo Yefun Allah bi nu si ye Farisi ne ki do, ”Yenggras, men napakom yekidar gane kem mo bur ré tó, An ki do, ’Kam we rek, ete Ji sun wé kadit sukkwop.’

Lukas 2:35

Yé gato bariwa jammo Pa ré, bere Yefun Allah ben yé ne bi sukjimnut bor wa yé mwa jam. Bere nan dom, nderku nggwa subot Pa ré, tepsu nyom syek nan mit, bere nan kwabom dek bot Pa ndo nde.”

Yohanes 3:20

Ye to ben sukibit bariwa rer ku an. An bariwa an simo rer bi suk-i ne, we rer ku an it yo, sukibit gato an ben ne bere bor wa yé mwa jam.

Yohanes 5:18

Yefun Yesus ki bi sukdu-i ne anato ye Yahudi wergat án nggwa nggi wai o subere án meret os wa án gu Yefun Yesus wé. Yepasye meret os nggi wai o, mo suk gato Yefun Yesus ben siri kadit ye Yahudi bi sukduno subot kam sye ne sor nde, wo yepasye ne maskwa mo gato Yefun Yesus ki do, Yefun Allah anato An bi Ai re. Yefun Yesus ki do, Yefun Allah anato An bi Ai bi sukjimnut do, Yefun Yesus dakai anato tepsu Yefun Allah.

Suk Gato Yerasul Ben Ne 13:45

Ye Yahudi me yé mwa mit iwa ma jam an we bi sukdu-i, sane ye Yahudi ne on sa mone, we yé mwa ne misyar suk gato ye Yahudi bi yesu ki ne, wo yé iwa jam sukdu gato an we ki ne sor. Sane ye Yahudi ne kabor an we. An ki Paulus ket kwayo-kwayo mo sukdu gato Paulus ki ne.

Suk Gato Yerasul Ben Ne 17:6

Án meret Paulus si Silas ware, án yo ku nde, wo án gwat Yason si yé bok yo gato onyar kem mo Yefun Yesus mu mo yepasye mo kota ne, orete án saiye do, ”Ye we gato ben yé mwa maskwa yu daret mo bur ré iwedewe, ye we ne anato ma mo kota ré it.

Suk Gato Yerasul Ben Ne 24:5

Men me do, ye gare ben sukibit. An krokgat ye Yahudi, an ben ye Yahudi maskwa yu e, an ben ye Yahudi saiye daret e ne mo bur ré iwedewe. An yekwesu, an gwat ye Nazaret bi sukdu-i ki frekbot buryo-buryo.

Suk Gato Yerasul Ben Ne 28:22

Sarewo men iwa men jam sukdu subot suk gato nan onyar kem mone, we men jam do, yé mo pe mwa neya ki do, sukdu gato nan jom ne siri re.”

Suk Gato Yerasul Ben Ne 4:26

Yepasye yeraja mo bur ré sisu yekwesu bok ne sino sum wa gu men bi Yekwesu. Án sum wa gu men bi Yekwesu gato Yefun Allah syogat ma mo bur ré wa nai men yetu kadit sukye ete jowa men.’

Suk Gato Yerasul Ben Ne 6:7

Sane yerasul kibot Yefun Allah bi sukdu subot Yesus Kristus frek mu kom mo peyo-peyo. Yé sok tó ye gato onyar kem mo Yefun Yesus mo Yerusalem mwa gat o. Yesu mwa gato ben suk mo ye Yahudi bi nu ari sok tó ye gato onyar kem mo Yefun Yesus dom.

Roma 9:32

Suma ben anato ye Yahudi yo ku os mone nde ne? We, ye Yahudi ne ben suk, án yo onyar kem mo Yesus Kristus nde, wo án nut do, án werwa án benbot ye Yahudi bi sukduno-i ne sa, bere Yefun nai án gum sok mo Yefun bi rus-i. Ye Yahudi bi sukjimnut ne siri re, sane án yo jambot Kristus nde, anato án yo sok mo Yefun bi rus-i nde. Án tepsu ye gato mu ete án gwes ti mo jok, ete án ges.

1 Korintus 1:23

Sarewo men ki sukdu subot Yesus Kristus gato yé gu kwop mo kwesukwin ne. Ye Yahudi bariwa jambot sukdu ne, we án nut do, Yefun Allah bi suktinggi yo bor mone nde. Wo yewis yi ne nut do sukdu ne men dakai ki daret kaii.

Ibrani 7:1

Melkisedek ré, an yeraja mo kota Salem. An yekwesu gato ben suk tepsu yegweswai wa ye Salem si Yefun Allah gato gum kok sye wai o re. Melkisedek ré, an gum bi sukjimnut sare do, ”Yeraja gato ben bi suk-i ri-roi.” Sane dom, Melkisedek gato yeraja mo kota Salem ne, an gum bi sukjimnut dik yo o sare do, ”Yeraja gato ós an bi rus kem not, we ’Salem’ bi sukjimnut do, ’Men kem not.’ ” Melkisedek ré, ye yo krom sukdu subot an bi ai mo nde, an bi im mo nde. An bi amui dom ye yo krombot mo nde. Ye yo krombot kam gato an bi im pe an mo nde. Ye yo krombot kam gato an kwop mo nde. Bergan Melkisedek tepsu Yefun Allah bi Gan rok, we Melkisedek anato tepsu yegweswai gato kem to kapyo mato kapyo. Wam dik yo Melkisedek ku Abraham mo os mit. Abraham si bi yeko-i ben sukndi su yeraja ge at si bi yeko-i ne sa, Abraham si bi yeko-i anato nggi wai kadit yeraja ge at si bi yeko-i ne, orete Abraham do satu ma mo bi nat-i ne saresa, Melkisedek ku Abraham mo os mit. Mone Melkisedek ki suk su Yefun Allah subere Yefun Allah ben sukndo su Abraham. Sane suk gato Abraham nai kadit yeraja ge at si bi yeko-i gato an gu ne, Abraham syo napyo nai Melkisedek {sato Abraham nai nyom ot musyu dik yo, an syo nyom ot dik nai Melkisedek}. Suk mwa gato Abraham nai kadit yeraja ge at ne, Abraham nai suk musyu dik yo, an syo suk ne dik nai Melkisedek sane sor.

Ibrani 7:7

Men jam do, ye gato gum-i kok sor anato ye gato ki suk su Yefun Allah subere Yefun ben sukndo su ye gato gum-i wok mo bur kadit an. Sane men jam mone do, Melkisedek gum-i kok wai kadit Abraham gum-i re.

1 Petrus 4:14

Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.