Lukas 2:21 - Abun Scripture

²¹ Maria kem su Pa ne or, kam munggwo rek eteyo, yesu mo nu ari bisunat Pa ne. Yesu ne tot Pa da naprut wé, ete Maria si Yusuf kendo Pa ne gum do, Yesus, tepsu gum gato malaikat ki nai Pa bi im sugato Pa bi im yo pe Pa nde tó.

Lukas 2:21 ပူးပေါင်းရင်းမြစ်များ

Matius 1:21

Bere Maria kem su pa yebris, orete nan kendo pa ne gum do Yesus, we Pa ne ma mo bur ré wa ós An bi nje-i. Bere An tepsu suktot wa tot sukibit gato An bi yetuge-i ben ne wé re.”

Matius 1:25

An we kra pe, sarewo Maria kem su pa nde tó, Yusuf si Maria yo sem su yu nde tó. Maria kem su Pa ne, orete Yusuf kendo Pa ne gum do Yesus.

Matius 3:15

Sarewo Yefun Yesus ki do, ”Nan ras Ji sor. Nan ras Ji, we Yefun Allah mit iwa nan ben sane.” Sane Yohanes ras Yefun Yesus mo syur.

Lukas 1:31

Bere nan syimfar, nan kem su Pa yebris, orete nan kendo Pa ne gum do Yesus.

Lukas 1:59

Elisabet kem su pa ne or, kom mo kam munggwo rek sa, yé ma mo Elisabet bi nu wa yé bisunat pabom ne. Ye gato ma ne, án mit wa án kendo pa ne gum bot bi ai, Zakaria.

Filipi 2:8

An yo bes An nggwa kok nde. Sarewo An is An nggwa ga tepsu pa wokgan, An jammo An bi Ai, Yefun Allah ne sor. An benbot suk gato Yefun Allah ki nai An ben ne, An bi An nggwa wa An kwop. Yé gu An kwop mo kwesukwin, {tepsu yé gato gum ibit, sarewo An jammo An bi Ai sor.}