Lukas 2:14 - Abun Scripture

¹⁴ ”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Lukas 2:14 ပူးပေါင်းရင်းမြစ်များ

Matius 21:9

Yé mwa gato mu nyim si yé mwa gato boribot, án sino saiye do, ”Men un yeraja Daud bi Dat et! Ye gato Yefun Allah syogat ma ré, Yefun Allah ben sukndo su An et! Men yetu ete bes Yefun Allah gum kok sye wai o et!”

Lukas 1:79

Ye gato ma ne tepsu sukru sye, An ben pe gato rer ku yé gato kem mo ndendu. Yé gato kem mo ndendu ne ben sato kwop, we án jam nde Yefun, wo Ye gato ma ne tepsu sukru sye gato kadum os gato ndo wa men subere men si Yefun Allah kem ndo su yu.”

Lukas 19:38

Pakon mwa ne saiye do, ”Yeraja gato Yefun Allah syogat ma ré, Yefun Allah ben sukndo su An et! Yé mwa ne sino mo gu ete kem not. Men yetu ete bes Yefun Allah gum kok sye wai o et.”

Lukas 2:13

Ye gato mewa domba ne gensu malaikat yaino ma ti su malaikat ne. Malaikat mwa ne un Yefun Allah, án ki do,

Lukas 2:15

Malaikat mwa ne un Yefun or, malaikat satu mu mo gu kadit yé gato mewa domba ne. Malaikat mu, orge yé gato mewa domba ki nai yu do, ”Men mu mo Betlehem et. Men mu me suk gato Yefun Allah tarubot An bi malaikat ne et.”

Lukas 3:22

ete Yefun Allah Gen is ma mo An. Yefun Allah Gen ne is ma su kaim sato ndabu. Orge yé mwa ne jam Yefun Allah ki sukdu kadit gu sare do, ”Nan anato Ji bi Gan. Ji bi sukjimnut sye kas subot Nan. Ji iwa Nan ndo nde.”

Yohanes 14:27

Ji syo suktinggi nai nin subere nin kwabom dek nde, wo nin kem ndo tepsu Ji dakai ré. Ji syo suktinggi nai nin wa nin kem ndo. Ji yo syosuktinggi ne tepsu yetu mo bur ré nde. Sane nin nutbot suk mwa teker nde, nin nyu nde.

Yohanes 17:4

Ji ben suk mwa gato Nan kiwa Ji ben ne sino anato yé mwa mo bur ré bes Nan gum kok sye wai o re.

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Roma 5:1

Sane su ré Yefun Allah ki do, men sa, tep wa men gum sok mo An bi rus-i, we men onyar kem mo Yesus Kristus it. Sane anato men yo ku sukmaskwa kadit Yefun Allah o nde, wo men si Yefun Allah kem ndo su yu sor. Men bi Yekwesu Yesus Kristus anato kak os ne wa men re.

Efesus 1:6

Men yo ben suk yo nyim wa An nde, wo An dakai bi sukjimnut sye kas subot men, An ben sukndo wai su men dakai yi anato An syo An bi Gan gato An jimnotku ne ma kwop win men. Sane men un Yefun Allah sor.

Efesus 1:9

Os ndo gato Yefun Allah fro wa men ne, gato nyim tuya yo bor nde, An iwa ki bor wa men jam it anare. Os gato An fro wa men anato bor mo Yesus Kristus it.

Efesus 2:4

Sarewo Yefun Allah bi sukjimnut sye kas subot men ndo nde. Yefun Allah dakai jimnotku men ndo nde anato An yo ben sukye satu nai men tepsu sukibit gato men ben su An ne nde.

Efesus 2:7

Yefun Allah bes men gum subere su kam sari ne ma men jam subot sukndo mwa yé gato Yefun Allah ben su men ne rer re. Sukndo mwa ne bor mo gato Yefun Allah syo Yesus Kristus ma mo bur ré wa kwop win men.

Filipi 2:11

Sane bere men yetu mwa ne sino ki rer do, sangge, Yesus Kristus anato tepsu men bi Yekwesu gato jom men. Sane bere men bes men bi Ai, Yefun Allah, gum kok mone re.

Filipi 2:13

we Yefun Allah dakai kak nin bi sukjimnut, subere nin iwa jammo An, subere nin mit iwa ben suk gato tepsu Yefun Allah mit ne.

Kolose 1:20

An syo An bi Gan ma wa kak os subere suk mwa gato mo bur ré si gu nim ne sino kem ndo su Yefun Allah satu. An syo An bi Gan ma kwop mo kwesukwin ete An bi Gan de sye tepsu suktot anato kak os wa suk mwa ne sino si Yefun Allah kem ndo satu.

2 Tesalonika 2:16

Men bi Yekwesu Yesus Kristus, An dakai si men bi Ai, Yefun Allah gato bi sukjimnut sye kas subot men ne, Yefun dakai bi sukjimnut sye kas subot men anato An ós men kem ndo to kapyo mato kapyo. An kak men bi sukjimnut anato men kwabom kam mo An do, sangge, bere An ben sukndo su men sino.

Wahyu 5:13

Orete ji jam suk mwa gato mbau mo gu nim e, mo bur ré e, mo bur desnak e, mo sem e ne sino, suk mwa gato mbau mo pe mwa ne sino ba sukbadek sare do, ”Yefun ga kem mo kursi sye ne e Domba Gan ga mone e Men un An we ne gum ne o Men bes An we ne gum kok ne o. Yefun si Domba Gan ne e An we ete gum ne sye wai ne e. An we ete nggi wai kadit suk mwa ne o Su ré to kapyo to kapyo ne o.”