Lukas 19:7 - Abun Scripture

⁷ Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 19:7 ပူးပေါင်းရင်းမြစ်များ

Matius 20:11

Án ku sugum ne sa, án maskwa, án kabor ye gato bi nggwe ne.

Matius 20:4

Sane an ki nai do, ’Nin mu ben suk mo ji bi nggwe, ete bere ji bi sugum nai nin tepsu nin bi kamba mone.’

Matius 9:11

Ye Farisi me Yefun Yesus si yé ga sare git sugit sino sa, án ndo mo Yefun Yesus bi pakon ne do, ”Suma ben anato nin bi yeguru iwa si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 19:6

Sane Zakheus is it anane, an mit iwa Yefun Yesus ma sem mo an bi nu-i.

Lukas 19:8

Kom mo Zakheus bi nu sa, Zakheus ti, an ki nai Yefun Yesus do, ”Bere ji syo ji bi suk napyo nai ye gato yewa suk. Yé gato ji kidar ne, bere ji win án bi suk ne wam at satu o.”

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 7:34

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato gum ibit sato yé gato nai sugum kadit nje wa pemerintah e neya.’

Lukas 7:39

Ye Farisi gato kendo Yefun Yesus ma git mo an bi nu ne, an me suk gato nggon ne ben sa, an nut mo an mit do, ”Ye ré tepsu yenabi sangge yo, ye ré, ye gato jam suk rer yo, bere An jam do, nggon gato rot An, nggon ne anato nggon gato ben suksiri mwa.”