Lukas 19:47 - Abun Scripture

⁴⁷ Kamdik-kamdik Yefun Yesus duno nje mo Yefun Allah bi nu. Yekwesú mo Yefun Allah bi nu, yeguru agama si ye Yahudi bi yepasye meret os wa gu Yefun Yesus kwop wé,

Lukas 19:47 ပူးပေါင်းရင်းမြစ်များ

Matius 21:23

Yefun Yesus satu ma sok mo Yefun Allah bi nu de, mo ros de mit. An duno nje mone saresa, yekwesú mo Yefun Allah bi nu si ye Yahudi bi yepasye ma ku Yefun Yesus. Yé ne ndobot Yefun Yesus do, ”Je u anato bes Nan wa Nan ben suk mwa more ne? Je u anato syogat Nan ma more ne?”

Matius 26:55

Orete Yefun Yesus ki nai yeko ga mone do, ”Te nin nut do Ji ré, yekwesu wa yeko gato futma wa gu nin, anato nin gwat nyom si kwekoi ma wa but Ji su ne bado? Kamdik-kamdik Ji da duno nje mo Yefun Allah bi nu ne mó re, sarewo nin yo but Ji mone nde.

Markus 11:18

Yekwesú mo Yefun Allah bi nu si yeguru agama jam sukdu ne sa, án meret os wa gu Yefun Yesus kwop wé, we yé mwa ne iwa jammo sukdu gato Yefun Yesus ki ne. Yé mwa ne mit iwa Yefun Yesus, sane yekwesú mo Yefun Allah bi nu si yeguru agama nokwa yé mwa ne jammo Yefun Yesus bi sukduno-i sye wai kadit án, sane án meret os wa gu Yefun Yesus kwop wé.

Markus 12:12

Yekwesú mo Yefun Allah bi nu si yeguru agama si ye Yahudi bi padosye ne, án sino jam do, sukamno gato Yefun Yesus ki ne, Yefun ki pet mo sukibit gato án ben ne. Sane án werwa án but Yefun Yesus ware, án nyuwa yé mwa gato sum mone. Sane án mu kadit nat ne re.

Markus 14:1

Yefun Yesus si An bi pakon ne mu kadit pe ne or sa, án mu mo kampung Betania. Kam we rek o, ete ye Yahudi konwa Kam Sye Waiket, {kam gato suga nyim tuya malaikat waiket ye Israel bi pa futmo mo bur Mesir, malaikat yo gu ye Israel bi pa kwop nde}. Ye Yahudi bi kam sye bi kam do futmo ne, ye Yahudi kon roti gato yo it nde. Karowa kam sye ne sa, yekwesú mo Yefun Allah bi nu si yeguru agama sino fro os wa án but Yefun Yesus wa án gu apre, subere yé mwa jam nde.

Markus 14:49

Kamdik-kamdik Ji si nin mo Yefun Allah bi nu de mo ros de mit ne, Ji da duno nin mone, sarewo nin yo but Ji nde. Sarewo suk mwa gare bor, subere tepsu sukdu gato yenabi krom mo Yefun Allah bi sukdu ne.”

Lukas 19:48

sarewo án yo ku os wa án gu Yefun Yesus nde, we yé mwa mone sum wairi wa Yefun Yesus. Yé mwa syaretwa Yefun Yesus bi sukdu sane sor, yé mit iwa wai o re, ye syaretwa pe sor.

Lukas 20:19

Ye Yahudi bi yeguru agama si yekwesú mo Yefun Allah bi nu ne, án sino jam do Yefun Yesus gwat sukamno ne pet mo sukibit gato án ben ne. Sane án werwa án but Yefun Yesus ware, án nyuwa yé mwa gato sum mone.

Yohanes 10:39

Ye Yahudi werwa án but Yefun Yesus ware, Yefun Yesus titi fro wé kadit án.

Yohanes 18:20

Yefun Yesus ki nai yekwesu ne do, ”Ji ki ji bi sukdu rer mo yé mwa gwem petok sor re. Sagana Ji duno nje mo ye Yahudi bi nu ari e, Ji duno nje mo Yefun Allah bi nu e, mo nat gato ye Yahudi sino sum mone, Ji duno nje mo bobor, Ji yo duno nje mo bobor fo mo nde.

Yohanes 7:19

Musa krom Yefun Allah bi sukduno wa nin benbot mó re. Sarewo nin yé bok ne sino yo benbot Musa bi sukduno-i nde, nin ge dik yo dom nde. Nin ben suk wai mo Musa bi sukduno-i ne. Sane dom, nin meret os wa nin gu ji kwop wé.”

Yohanes 7:44

Ye deyo werwa but An, sarewo ye yo syimtok An kaim mo nde.