Lukas 19:30 - Abun Scripture

³⁰ Yefun Yesus ki do, ”Nin ka we mu nyim mo kampung gato karo mone. Nin ka we mu kom mone it yo, bere nin ka we me keledai gan ge dik yo gato yé jik mone. Keledai ne ye yo it mo nde tó. Nin ka we sombok ete nin ka we gwat ma.

Lukas 19:30 ပူးပေါင်းရင်းမြစ်များ

Matius 21:2

Yefun Yesus ki nai an we ne do, ”Nin ka we mu nyim mo kampung gato karo mone. Nin ka we do mu kom mone it yo, bere nin ka we ku keledai ge dik yo si bi gan gato yé jik mone. Nin ka we sombok, ete nin ka we gwat ge we ne ma mo Ji et.

Lukas 19:29

Yefun Yesus mu, An karowa kampung we gato gum do Betfage si Betania mo bobuk Zaitun sa, Yefun Yesus syogat An bi pakon ge we mu nyim.

Lukas 19:31

Do ye yo ndo mo nin ka we do, ’Nin ka we sombok keledai ré wa suma ne?’ Yo, nin ka we ki do, ’Men bi Yekwesu mitmo keledai ré.’ ”

Lukas 19:32

Sane pakon ge we ne mu nyim, ete an we ku suk mwa ne tepsu Yefun Yesus ki nai an we ne.

Yohanes 14:29

Su ré Ji ki sukdu ne nyim nai nin jam subere su kam gato sukdu ne bor it yo, nin onyar kem mo Ji bi sukdu-i anane.