Lukas 19:13 - Abun Scripture

¹³ Yepasye ré yo mu nde tó, an kendo an bi pakwerut ge musyu dik ma, ete yepasye ne syo sugum det dik nai pakwerut ne kadik-kadik. Yepasye syo sugum nai an bi pakwerut, ete an ki do, ’Sugum gato ji syo nai nin ré, nin ben suk su, subere nin ku sugum mwa wai o. Nin ben suk su sugum ré sor kom mo ji satu ma et.’ {Yepasye ki sukdu ne, orete an mu re.}

Lukas 19:13 ပူးပေါင်းရင်းမြစ်များ

Matius 25:16

Pa gato ku sugum det mumek mu ben suk su kekro, ete pa ne ku sugum det mumek yo tó o.

Matius 25:20

Pa gato ku sugum det mumek gwat sugum det mumek yo tó o ma, ete ki nai bi yenggras do, ’Yenggras, nan syo sugum det mumek nai ji. Nan me ré, ji ku det mumek yo tó o ré.’

Matius 25:22

Pa gato ku sugum det we ma dom. Pa ne ki nai bi yenggras do, ’Yenggras, nan syo sugum det we nai ji. Nan me ré, ji ku det we yo tó o ré.’

Matius 25:24

Orete pa gato ku sugum det dik ne ma. Pa ne ki nai bi yenggras do, ’Ji jam do nan anato ye gato syogat nan bi pakwerut sam sukde, nan nai suk kadit pe gato nan bi kamba mo nde.

Lukas 19:12

Sane Yefun Yesus gwat sukamno sare do, ”Yepasye dik yo, an mu mo bur yi gato os syu kadit an bi bur-i. Yepasye mu mo bur ne subere yé bes an gum tepsu yeraja wa an jowa nje mo an bi nat-i. Yé bes an gum yeraja orete yo, an satu ma mo an bi nat-i.

Lukas 19:14

Sarewo yé mo bur ne bariket yepasye ne. Sane yé syogat yé bok yo mu boribot an subere yé bok ne ki nai yekwesu mone do, ’Men bariwa nan bes ye ne gum yeraja wa jowa men mo men bi bur-i.’

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Galatia 1:10

Sane ji ki ji bi sukdu-i wa meret os subere yetu iwa ji bado? Sane nde re, wo ji ki ji bi sukdu-i subere Yefun Allah iwa ji sor. Ji krom sukdu wa tik yetu mit subere yetu mit iwa ji bado? Nde re. Ji do ki sukdu subere yetu iwa ji yo, ji tepsu Kristus bi pakwerut nde.

Yakobus 1:1

Ji gato gum do Yakobus, ji ben suk wa Yefun Allah si men bi Yekwesu Yesus Kristus. Ji anato krom surat ré wa nin yé gato sok mo Yefun Allah bi rus-i mo bur ré or sino. Ndo mo nin sino.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.