Lukas 18:8 - Abun Scripture

⁸ Sane nde, wo Ji ki sare do, bere Yefun Allah ós An bi rus-i kekro. Sarewo kapyo tak Ji, gato Yetu bi Pa, satu ma mo bur ré it yo, bere Ji ku ye gato onyar kem mo Yefun Allah mó, bado?”

Lukas 18:8 ပူးပေါင်းရင်းမြစ်များ

Matius 24:24

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi, ete ben suk gato ben nje yeket ndo nde. Yé bok ne ben bi suk-i, bergan án ben kidar nje gato Yefun fro suga nyim wa Yefun nai sok mo Yefun bi rus-i, sarewo án yo ku os mone nde.

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.