Lukas 18:39 - Abun Scripture

³⁹ Orge ye gato mu nyim mo Yefun Yesus gwem maskwa ket ye gato gro ndu ne, ete yé ndantom an do, ”Nan not tom!” Yé da ndantom an, sarewo ye gato gro ndu ne saiye gat nggi wai o do, ”Yeraja Daud bi Dat o, Nan jimnotku ji et!”

Lukas 18:39 ပူးပေါင်းရင်းမြစ်များ

Matius 7:7

”Nin ndek gat Yefun Allah sane sor, bere Yefun Allah syo suk nai nin; nin meret gat sane sor, bere nin ku; nin nggo nusyo gat sane sor, bere Yefun Allah kak nusyo wa nin.

Matius 8:26

Yefun Yesus ki do, ”Nin nyu wa suma ne? Mban! Nin yo onyar kem ri mo Ji nde tó go!” Yefun Yesus ki sane, orete An sun, An syogat nofuf ne not, An syogat em gato nap ne kro. Sugane it, em si nofuf ne kro re.

Matius 9:27

Yefun Yesus mu kadit nat ne. An mubot os saresa, ye we gato gro ndu boribot An. Ye we ne saiye do, ”Yeraja Daud bi Dat o, Nan dakai jimnotku men et!”

Lukas 11:52

Nin yeguru agama, bere nin ku sukye, we nin bi os wa nin jam Yefun Allah bi sukduno, sarewo nin yo benbot ri nde. Nin gurik Yefun Allah bi sukduno kadit ye yi gato iwa jam sukdu ne. Nin dakai bariwa Yefun Allah bi os-i ne. Sane dom, nin duyawa ye gato iwa muket Yefun Allah bi os-i ne. Sane bere nin ku sukye mone.”

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 18:15

Yetu ge bok yo gwat an bi pa wokgan ma mo Yefun Yesus wa Yefun Yesus ak syim mo pa ne subere ri ma Yefun Allah ben sukndo su pa ne. Yefun Yesus bi pakon me yé gwat pa wokgan ne ma mo Yefun Yesus sa, pakon ne maskwa, pakon ndantom ye gato gwat pa wokgan ma ne.

Lukas 18:38

Sane ye gato gro ndu ne saiye do, ”Yesus o, yeraja Daud bi Dat o, Nan jimnotku ji et!”

Lukas 18:40

Sane Yefun Yesus ti not, An syogat yé gwat ye gato gro ndu ne ma mo An. Ye gato gro ndu ne do ma sa, Yefun Yesus ndo mo an do,

Lukas 19:39

Ye Farisi deyo gato simo yé mwa mone ki nai Yefun Yesus do, ”Yenggras, yeguru, nan syogat nan bi pakon ne not et.”

Lukas 8:49

Yefun Yesus ki suk su nggon ne saresa, yetu ge dik yo ma kadit Yairus bi nu, Yairus gato yesu mo ye Yahudi bi nu ari mone. Ye ne ki nai Yairus do, ”Nan bi mam kwop re. Nan syimfar yenggras mu mo nan bi nu o nde.”

2 Korintus 12:8

Ji ndek mo Yefun Allah su ji mit dik si ji onyar dik sor kom mo wam gri subere An nai sukye gato tepsu jak ne wé kadit ji,