Lukas 18:34 - Abun Scripture

³⁴ Yefun Yesus bi pakon jam nde sukdu gato An ki ne re, pakon ne jam wokgan yo dom nde. Sukdu gane bi sukjimnut ne, Yefun Allah gurik kadit pakon ne re, sane án jam nde re. Pakon ne nalar mo sukdu gato Yefun Yesus ki ne or re.

Lukas 18:34 ပူးပေါင်းရင်းမြစ်များ

Markus 9:32

Yefun Yesus ki sukdu ne, An bi pakon jam nde bi sukjimnut ware. Sarewo pakon ne nyuwa án ndo mo Yefun Yesus subot sukdu gato An ki do, ’Kam we, ete Ji sun kadit sukkwop o re,’ bi sukjimnut-i.

Lukas 18:33

Sarewo kom mo kam we rek, bere Ji sun kadit sukkwop o re.”

Lukas 2:50

Sarewo an we jam nde Yefun Yesus bi sukjimnut ne.

Lukas 24:25

Yefun Yesus ki nai an we do, ”Nin ka we jam nde suk! Suk mwa gato yenabi krom mo Yefun Allah bi sukdu ne, nin bi sukjimnut yo kak wa nin but sukdu ne kekro nde.

Lukas 24:45

Orge Yefun Yesus kak An bi pakon bi sukjimnut subere pakon ne jam Yefun Allah bi sukdu ne kom mo mit.

Lukas 9:45

Sarewo Yefun Yesus bi pakon jam nde sukdu gato An ki ne re. Sukdu gane bi sukjimnut ne, Yefun Allah gurik kadit pakon re. Sarewo pakon ne nyuwa án ndo mo Yefun Yesus subot sukdu ne bi sukjimnut-i.

Yohanes 10:6

Yefun Yesus gwat sukamno ne, sarewo ye mone yo jam bi sukjimnut nde.

Yohanes 12:16

Sugane Yefun Yesus bi pakon jam nde sukdu gato ye krom mo Yefun Allah bi sukdu subot Yefun Yesus dakai. Sarewo Yefun Allah sun Yefun Yesus kadit sukkwop, ete bes An gum kok or sa, Yefun Yesus bi pakon napakom do, sukdu gato yé krom mo Yefun Allah bi sukdu subot suk mwa gato yé ben nai An ne bor re.