Lukas 18:32 - Abun Scripture

³² Bere yé syo Ji mo yewis yi syim-i. Yewis yi ne bere ki Ji ket kwayo-kwayo, yé ne kabor Ji, yé ne sukut tom Ji, yé ne kwam Ji su bus, orete yé ne gu Ji kwop.

Lukas 18:32 ပူးပေါင်းရင်းမြစ်များ

Matius 16:21

Kadit kam ne Yefun Yesus ki rer nai bi pakon ne do, ”Ji mu mo kota Yerusalem et. Mone ye Yahudi bi yepasye e, yekwesú mo Yefun Allah bi nu si ye Yahudi bi yeguru agama bere ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Matius 20:19

ete án syo Ji mo yewis yi syim-i. Yewis yi ne bere ki Ji ket kwayo-kwayo, bere yé kwam Ji su bus, yé mban Ji mo kwesukwin, ete bere Ji kwop mone, wo kom mo kam we rek, bere Ji sun kadit sukkwop o re.”

Matius 22:6

Deyo o but pakwerut ne ete kwam pa ne, ete gu pa bok ne kwop or re.

Matius 26:67

Orete yekwesú si yepasye ne sino sukut tom Yefun Yesus gwem, án tut Yefun Yesus su án syim. Yekwesu deyo gwa su syim tak dom,

Matius 27:2

Yekwesú si yepasye ne syogat ye rai Yefun Yesus krat ete ye gwat mu ku Pilatus, we sugane Pilatus gum yekwesu wa pemerintah ye Roma mone.

Markus 14:65

Orge yekwesú mo Yefun Allah bi nu bok yo mone sukut tom Yefun Yesus gwem. Án but san det wa Yefun Yesus gro subere Yefun Yesus yo me suk nde, ete án gwa Yefun Yesus su án syim tak. Yekwesu gato gum kok wai ne ndo mo Yefun Yesus do, ”Nan, ye gato tepsu yenabi sangge yo, Nan ye gato jam suk rer, sane Nan ki ye gato gwa Nan ré gum et.” Orge yesukmise gwat Yefun Yesus mu kadit pe ne ete án gwa Yefun Yesus dom.

Markus 15:1

Nosoro gan, ye Yahudi bi yepasye si yekwesu gato sum sino wa kibot sukdu si yekwesú mo Yefun Allah bi nu ge bok yo, si yeguru agama sino kibot sukdu or, ete án nai sukjimnut dik wa ye gu Yefun Yesus kwop wé. Án rai Yefun Yesus krat, ete án gwat Yefun Yesus mu ku Pilatus.

Lukas 18:33

Sarewo kom mo kam we rek, bere Ji sun kadit sukkwop o re.”

Lukas 23:1

Sane yepasye mwa ne ti sino, ete án gwat Yefun Yesus mu ku Pilatus, {Pilatus gato ye Roma bes gum yekwesu mo pe ne.}

Lukas 23:11

Orete Herodes si an bi yesukmise siker Yefun Yesus ete kamo su An dom. Yesukmise ne it yepasye bi san mo Yefun Yesus, orge Herodes syogat yé gwat Yefun Yesus satu mu mo Pilatus.

Lukas 23:35

Yé mwa ti mone, yé sokwa suk mwa ne saresa, ye Yahudi bi yekwesu siker Yefun Yesus, yé ki do, ”An sombok ye yi kadit sukye gato ye ne ku ne, An sombok An dakai dom et! Ye ré Yekwesu gato Yefun Allah bes gum Kristus su sangge it yo, An is kadit kwesukwin ne et!”

Yohanes 18:22

Yefun Yesus ki bi sukdu-i duwer yekwesu ne sa, ye gato mewa Yefun Allah bi nu ge dik yo, an ti karowa Yefun Yesus mone, an gwa Yefun Yesus kwanke su an syim, ete an ki do, ”Nan nut do, Nan gum sye wai kadit men bi yekwesu gato gum kok wai mo Yefun Allah bi nu bado, anato Nan ki Nan bi sukdu-i sane bado?”

Yohanes 18:28

Ik o, bundugan, yé gwat Yefun Yesus syesyar kadit Kayafas bi nu-i mu mo gubernur bi nu-i gato sye. Ye Yahudi yo sok mo nu mit ne nde, we án fro án nggwa wa án git sugit mo Kam Sye Waiket. An sok mo ye Roma bi nu ne yo, bere án fowa án simo kam sye mo Yefun Allah bi nu or re, sane án yo sok mo gubernur bi nu-i nde.

Yohanes 18:30

Ye Yahudi ki nai Pilatus do, ”Ye ré ben sukibit, ondesor sa, men yo gwat An ma mo nan nde.”

Yohanes 18:32

Ye Yahudi ki sukdu ne, we sukdu gato Yefun Yesus ki nyim subot os gato yé gu An kwop su ne, bere bor mone, bere ye Roma gu An kwop.)

Yohanes 18:35

Pilatus ki do, ”Nan nut do, ji ré ye Yahudi bado? Nan bi yewis-i si yekwesú mo Yefun Allah bi nu anato gwat Nan ma, ete án syo Nan mo ji syim fe! Nan ben suk sato suma ne?”

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

Suk Gato Yerasul Ben Ne 3:13

Yefun Allah gato jom Abraham, Isak si Yakub, Yefun Allah gato jom men bi amui, Yefun Allah ne bes Yefun Yesus gato An bi pakwerut ne gum kok sye wai o re. Yefun Yesus nin syo mo ye gato ben sukibit syim wa ye gu An kwop wé. Kapre Pilatus iwa sombok An, nin misyar An re.