Lukas 18:31 - Abun Scripture

³¹ Yefun Yesus kendo An bi pakon ge musyu dik sop we ma dor kadit yé yi, orete Yefun Yesus ki nai An bi pakon ne do, ”Men mu mo Yerusalem it anare. Suk mwa gato yenabi krom subot Ji gato Yetu bi Pa ne bere bor mone.

Lukas 18:31 ပူးပေါင်းရင်းမြစ်များ

Matius 16:21

Kadit kam ne Yefun Yesus ki rer nai bi pakon ne do, ”Ji mu mo kota Yerusalem et. Mone ye Yahudi bi yepasye e, yekwesú mo Yefun Allah bi nu si ye Yahudi bi yeguru agama bere ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Matius 27:63

Yekwesú mo Yefun Allah bi nu si ye Farisi ne ki do, ”Yenggras, men napakom yekidar gane kem mo bur ré tó, An ki do, ’Kam we rek, ete Ji sun wé kadit sukkwop.’

Markus 8:9

Yé mwa gato git sugit ne, ye newa kom mo yetu ge ribu at. Yefun Yesus syogat yé mwa ne mu orete

Lukas 10:30

Sane, Yefun Yesus gwat sukamno dik yo do, ”Yetu ge dik yo mu kadit Yerusalem mu mo Yerikho. Ye ne mu kom mo os miten sa, yegitsi ge bok yo ma gu ye ne sane sor karowa an kwop rok. Yegitsi ne nai an bi san si an bi suk mwa ne sino, ete yegitsi misyar an kem mo os mit, yé ne mu kadit an re.

Lukas 9:22

Yefun Yesus ki o do, ”Yetu bi Pa to Ji ré, gato Yefun Allah syogat ma kadit gu ne, bere ye Yahudi bi yepasye, yekwesú mo Yefun Allah bi nu si ye Yahudi bi yeguru agama ne, án sino bariwa Ji or re, ete án ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Lukas 9:51

Karowa bi kam gato Yefun Yesus mu kadit bur ré, ete An it mu mo gu, Yefun Yesus nai sukjimnut dik mo An mit do, An mu mo Yerusalem o et.