Lukas 18:22 - Abun Scripture

²² Yefun Yesus jam ye ne bi sukdu sa, Yefun Yesus ki nai an do, ”Suk dik yo anato nan yo benbot nde tó, sare do, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Lukas 18:22 ပူးပေါင်းရင်းမြစ်များ

Matius 19:21

Yefun Yesus ki nai pa ne do, ”Nan iwa nan ben suk mwa ne ndo sino yo, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Lukas 10:42

wo suk dik sor anato ndo wa men yetu ben ne. Maria ré nai sukjimnut wa mom ben suk gato ndo ne, mom syaretwa Ji bi sukdu-i ne, kadit mom fro suk mwa neya, sane Ji duyawa mom mone nde.”

Lukas 12:33

Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Lukas 16:9

Orge Yefun Yesus ki o do, ”Sane Ji ki sare do, nin syo nin bi suk nai nje, subere yé ne kak án mit wa nin, ete nin ku nin bi yesyim ge bok yo mone. Sane nin bi suk mwa mo bur ré do or kadit nin it yo, bere Yefun Allah syo nat gato ndo wa nin kem mó. Bere nin kem ndo mone to kapyo mato kapyo.

Lukas 18:21

Ye ne ki do, ”Sukduno mwa ne sino ji benbot kadit ji ka yemsok ne it.”

Lukas 18:23

Ye ne jam sukdu gato Yefun Yesus ki ne sa, ye ne jimnutbot ndo nde, we ye ne bi sukjimnut sye mo an bi suk mwa ne.

Lukas 9:23

Orge Yefun Yesus ki nai yé mwa mone do, ”Ye to iwa simo Ji it yo, ye ne yo iwa ben suk ket an mit-i ne o nde, wo kamdik-kamdik an ben Ji bi suk-i sor, an tepsu ye gato sam an bi kwesukwin. Kapre an ku sukye mone, an kwop o, an mbau o an simo Ji pe sor.

Filipi 3:13

Ji bi nji, ji bi nyanggon gato onyar kem mo Yesus Kristus, suk gato Yesus Kristus fro wa ji ne, ji nut mo ji mit do ji yo ku suk ne nde tó. Sarewo suk dik yo gato ji ben anare, ji misyar suk mwa gato ji ben suga nyim ne wé, ete ji wergat ji nggwa wa ji ku suk gato Yesus Kristus fro wa ji ne.

2 Petrus 3:8

Sarewo ji bi nji ji bi nyanggon, nin napawa sukdu gato ji krom ré et, Yefun Allah bi sukjimnut do, kam dik yo, kam dik ne tepsu tahun ribu dik sor re. Sane dom, Yefun Allah bi sukjimnut do, tahun ribu dik yo, tahun ribu dik ne tepsu kam dik sor re.