Lukas 18:14 - Abun Scripture

¹⁴ Sane Yefun Yesus ki do, ”Ji ki sare do, ye gato nai sugum kadit nje wa pemerintah ré, an satu mo an bi nu sa, Yefun Allah nut do, ye ré anato ben sukndo tepsu Yefun Allah mit. Yefun Allah yo maskwa an mo sukibit gato an ben ne o nde. Wo Yefun Allah yo iwa ye Farisi ne nde. Sane, ye gato bes an nggwa kok tepsu an yepasye, bere Yefun Allah ben an damen or re, wo ye gato ben an nggwa ga tepsu pa wokgan, bere Yefun Allah dakai bes an gum yepasye o re.”

Lukas 18:14 ပူးပေါင်းရင်းမြစ်များ

Matius 23:12

we ye gato bes an nggwa kok tepsu an yepasye, bere Yefun Allah ben an damen o re, wo ye gato is an nggwa ga tepsu pa wokgan, bere Yefun Allah dakai bes an gum yepasye o re.”

Matius 5:3

”Ye gato jam do, an yo nggi mo Yefun Allah bi de-i nde, sarewo an jom Yefun si bi sukdu-i tó yo, ye ne mit at wa, we Yefun Allah anato an bi Yekwesu gato mewa an.

Lukas 1:52

Yekwesu gato jowa nje, Yefun Allah is wé, wo ye gato gum wok mo bur, Yefun Allah bes ye ne gum kok o re

Lukas 10:29

Yeguru ne bariwa an damen mo yé mwa gwem, sane an waii ndo mo Yefun Yesus o do, ”Je u anato gum do, ’ye yi’ gato ji bi sukjimnut sye kas subot ne?”

Lukas 14:11

we ye gato bes an nggwa kok tepsu an yepasye, bere Yefun Allah ben an damen o re, wo ye gato is an nggwa ga tepsu pa wokgan, bere Yefun Allah dakai bes an gum yepasye o re.”

Lukas 16:15

Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”

Roma 3:20

Sane anato kapre men yetu werwa men benbot ye Yahudi bi sukduno-i ne yo, bere men yo ku os ndo mone nde. Yefun Allah ki mo ye gato werwa benbot sukduno ne do, sukduno ne yo kak os wa án sok mo Yefun Allah bi rus-i nde, wo sukduno ne ós wa kadum suk gato Yefun Allah bariwa men yetu sino mo bur ré ben ne sor re.

Roma 4:5

Sarewo ye gato nut do, an kamba wa benbot ye Yahudi bi sukduno-i subere Yefun Allah nut mo an do, an tep wa sok mo Yefun Allah bi rus-i ne yo, bere siri re, Yefun Allah yo nai ye ne sok mo bi rus-i nde. Sarewo ye gato yo nutbot an bi kamba nde, wo an kwabom kam mo Yefun Allah do, bere Yefun nai an wé kadit sukye gato an ku mo os ibit, sane bere Yefun Allah nut mo ye ne do, ”Ye ré sa, onyar kem mo Ji it, sane Ji nai an gum sok mo Ji bi rus-i sor.” Yefun nai an sok mo Yefun bi rus-i mo an bi kamba nde, wo Yefun nai an sok mo Yefun bi rus-i mo gato an onyar kem mo suk gato Yefun ki ne sor.

Roma 5:1

Sane su ré Yefun Allah ki do, men sa, tep wa men gum sok mo An bi rus-i, we men onyar kem mo Yesus Kristus it. Sane anato men yo ku sukmaskwa kadit Yefun Allah o nde, wo men si Yefun Allah kem ndo su yu sor. Men bi Yekwesu Yesus Kristus anato kak os ne wa men re.

Roma 8:33

Men yé gato Yefun Allah fro suga nyim wa men sok mo An bi rus-i ne te, bere je u anato nggiwa ki men gum ibit mone ne? Mo nde, wo Yefun Allah dakai ki do, men tep wa men sok mo An bi rus-i.

Galatia 2:16

Men da ben sukibit yo mwa mo nde, sarewo men ben suk tepsu ye Yahudi bi sukduno-i gato Musa krom ne, bere men yo ku os wa Yefun Allah nai men gum sok mo An bi rus-i nde. Wo men onyar kem mo Yesus Kristus sa, bere Yefun Allah nai men gum sok mo An bi rus-i it. Sane su ré, men dakai dom, men onyar kem mo Yesus Kristus ne it, sane Yefun Allah nai men sok mo An bi rus-i re, we men onyar kem mo ye Yahudi bi sukduno-i nde, wo men onyar kem mo Yesus Kristus sor, we sare, ye gato werwa benbot ye Yahudi bi sukduno-i sor re, bere ye ne yo ku os nde, yetu ge dik yo dom nde.

Yakobus 4:10

Nin ben nin nggwa ga tepsu pa wokgan mo Yefun Allah gwem, sane bere Yefun Allah bes nin gum kok o re.

Yakobus 4:6

Kapre men gen iwa ben suk mwa daret, Yefun Allah dakai jimnotku men anato An ben men nggiwa men brek kadit suk mwa gato men gen iwa ben ne. Tepsu ye krom mo Yefun Allah bi sukdu do, ”Yefun Allah bariket ye gato bes nggwa kok, wo An ben An bi suk-i ndo su ye gato ben an nggwa ga tepsu pa wokgan.”