Lukas 18:13 - Abun Scripture

¹³ Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Lukas 18:13 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Matius 6:5

”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Matius 9:13

Nin nutbot Yefun bi sukdu kwa dik ré sisu ndo et, sare do, ’Ji iwa nin dakai jimnotku ye yi neya ete ós án mone, Ji bariwa nin gre suge mo bot wa som Ji su.’ Nin nutbot sukdu ne, we Ji yo ma mo bur ré wa Ji kendo ye gato nut do, an sa, ye gato ben sukndo ne nde, wo Ji ma mo bur ré wa Ji kendo ye gato ben sukibit, yé ne tepsu ye gato i, subere án brek kadit os ibit ne ete onyar kem mo Ji.”

Markus 11:25

Nin benadi, nin ki suk su Yefun Allah yo, nin grem sukmaskwa mo nin mit wa ye yi mo sukibit gato ye ne ben nde, nin nutbot sukibit ne o nde, wo nin was sukmaskwa ne or wé kadit nin, orete nin benadi. Nin was sukmaskwa ne or wé subere nin bi Ai mo gu waii maskwa nin mo sukibit gato nin ben ne o nde, subere nin bi Ai mo gu yo nutbot o nde. [

Lukas 17:12

Yefun Yesus mu sok mo kampung dik yo saresa, yetu ge musyu dik gato suki borbuk git ne ma ku Yefun Yesus mo kampung de nden. Yé ka musyu dik ne ti ko kadit Yefun Yesus.

Lukas 22:41

Yefun Yesus ki suk ne or, An mu ko gan kadit An bi pakon, ete An tu An umsu, An ki suk su Yefun Allah.

Lukas 23:48

Yé mwa gato sum wa me Yefun Yesus kwop su án gro mone, án me suk mwa gato bor mone sa, án sino nderku án nggwa anato án nggo án tunap. Orete án mu kadit re.

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Suk Gato Yerasul Ben Ne 2:37

Yé mwa jam Petrus bi sukdu-i ne or sa, án kwabom kro, án ki nai Petrus si yerasul yi neya do, ”Sane men bi nji, men ben suma ne?”

Roma 5:8

Sarewo men ben men bi suk-i siri kadit Yefun Allah mit tó, sugane Yesus Kristus ma bi nggwa kwop win men. Sane anato men jam mone do, Yefun Allah bi sukjimnut sye kas subot men ndo nde.

2 Korintus 7:11

Ji krom sukdu gato ben nin nderku nin nggwa. Nin nutbot suk gato bor mone. Kom mo rut sukdu ne ben nin bi sukjimnut-i kas sane sor nin ben nin bi suk-i sato ré do: nin wergat nin nggwa, nin dakai gwawa nin dakai mo sukdu gato ji ndak nin mo surat ne. Or o nin bambriwa nin karowa sukibit gato ji ki nin gum ibit mone or re. Nin nyuwa nin ben sukibit ne. Or o nin da o wa nin ku ji. Nin mit iwa nin ben suk tepsu ji iwa ne. Or o nin iwa ye gato ben sukibit ku sukye mone. Mo suk bok yo gato ji ndak nin gum mo surat ne, nin kibot sane sor men jam do, nin yo ben sukibit mo kwa dik yo dom nde.

1 Timotius 1:15

Sukdu gato ji ki ré suksangge, men nai ma, men grem kem pe mo men mit sor, sare do, ”Yesus Kristus ma mo bur ré wa ós men yetu gato ben sukibit, subere men ges mo bot gesyos nde, wo men kem ndo to kapyo mato kapyo.” Mo yé mwa gato ben sukibit mo bur ré, ji anato ben sukibit mwa wai kadit yé mwa ne sino o re.

Ibrani 4:16

Sane men yo nggi nde yo, men karowa Yefun et. Men nyuwa men ki men bi sukdu-i su Yefun Allah nde, wo men ki sor, men damen wa nde. Men jam do, men yo ben suk yo nyim wa An nde, wo Yefun ben An bi suk-i su men yo, An dakai bi sukjimnut sye kas subot men yi sor, bere Yefun ós men mone. Sane men ndekwa An os men et, subere An syo suk mwa gato ndo nai men dakai yi tepsu bi kam gato men mitmo suk ne su.

Ibrani 8:12

Bere Ji misyar sukibit gato án ben ne wé re, Ji yo nutbot o nde, Ji yo napawa sukibit gato án ben ne o nde.”