Lukas 18:12 - Abun Scripture

¹² Ari dik, ji mewa ji nggwa kadit sugit yei wam we, we ji ki suk su Nan sor. Suk mwa gato ji ku ne yo, ji syo deyo nai Nan, Yefun. Ji ku sugum det musyu dik yo, ji syo det dik yo nai Nan, ji ku det musi.’

Lukas 18:12 ပူးပေါင်းရင်းမြစ်များ

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Matius 6:1

”Nin ben suk gato ndo tepsu Yefun Allah mit mo yé mwa gwem subere yé mwa me, ete bes nin gum kok mone, bere siri re. Nin ben suk bor mo yé mwa gwem subere ye bes nin gum kok it yo, bere nin bi Ai mo gu yo syo suk yo nai nin nde.

Matius 6:16

”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.

Matius 6:5

”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Matius 9:14

Yohanes gato ras nje mo syur ne bi pakon ma ku Yefun Yesus ete ndo mo do, ”Men si ye Farisi, men mewa men nggwa kadit men git sugit yei, we men iwa ki suk su Yefun, wo Nan si Nan bi pakon-i ré yo mewa án nggwa kadit sugit nde wa suma ne?”

Lukas 11:42

Nin ye Farisi, bere nin ku sukye. Suk gato nin fros su sugit wa ben sugit ne wik sato kru e, es wo e, ri e, sindar e ne yo, nin tik but musyu dik ete nin syo but dik yo nai Yefun. Nin ben sukwokgan sane da ndo, sarewo nin misyar sukduno gato sye wai mo Yefun Allah bi sukduno wa suma ne? Sukduno sato, nin ben nin bi suk-i ri-roi su nje, si nin bi sukjimnut sye kas subot Yefun Allah sor, nin misyar nde, wo nin benbot sor. Nin misyar sukduno gato sye wai sane nde. Sane dom, sukduno wokgan ne, nin misyar dom nde, wo nin benbot sukduno mwa ne sino sor.

Lukas 17:10

Sane, nin dom, nin do ben suk mwa gato Yefun Allah syogat nin ben it yo, nin nut mo nin dakai do, ’Men ré tepsu pakwerut sor, sane men yo mitmo yé un men nde. Men ben suk gato men bi Yenggras syogat men ben ne sor.’ ”

Roma 3:27

Sane men ku os wa men bes men nggwa kok o nde. Men yo ku os nde wa suma ne? Men sok mo Yefun bi rus-i mo suk gato men ben tepsu ye Yahudi bi sukduno-i ne bado? Nde re, wo men onyar kem mo Yesus Kristus anato Yefun Allah nai men gum sok mo An bi rus-i mone it.

1 Korintus 1:29

Sane Yefun Allah yo nai men yetu gum sok mo An bi rus-i kadit men yé gato gum kok mo bur ré nde, subere men yetu yo ku os wa bes men nggwa kok mo Yefun Allah gwem nde, ete ki do, ”Kadit suk gato ji ben anato Yefun Allah nai ji gum sok mo An bi rus-i ne.” Sane nde.

Galatia 1:14

Sugane ji dakai anato jam suk mwa mo ye Yahudi bi agama. Ji jam suk mwa wai kadit ye yi gato ti sos tepsu ji. Ji ré anato iwa sukduno gato men bi amui duno men su ne wai o re.

Efesus 2:9

Men yetu yo nggiwa men ben suk yo gato kak os wa men kem gesyos mo nde, wo Yefun Allah ka dik sor anato nggiwa ós men kem gesyos. Sane ye yo ku os wa an un an dakai mo suk gato an ben ne nde.

1 Timotius 4:8

Men wergat men dakai subere men kaim budat nggi wai o yo, da ndo, sarewo men wergat men dakai subere men nggiwa men ben Yefun Allah bi suk-i anato ndo wai kadit ne o re. Men nggiwa ben Yefun Allah bi suk-i, sane bere kak os ndo wa men su kam gato men kem mo bur ré si kam sari ne ma sino.