Lukas 18:11 - Abun Scripture

¹¹ Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Lukas 18:11 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Matius 6:5

”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Markus 11:25

Nin benadi, nin ki suk su Yefun Allah yo, nin grem sukmaskwa mo nin mit wa ye yi mo sukibit gato ye ne ben nde, nin nutbot sukibit ne o nde, wo nin was sukmaskwa ne or wé kadit nin, orete nin benadi. Nin was sukmaskwa ne or wé subere nin bi Ai mo gu waii maskwa nin mo sukibit gato nin ben ne o nde, subere nin bi Ai mo gu yo nutbot o nde. [

Lukas 20:47

Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”

Lukas 22:41

Yefun Yesus ki suk ne or, An mu ko gan kadit An bi pakon, ete An tu An umsu, An ki suk su Yefun Allah.

Galatia 3:10

Ye gato onyar kem mo ye Yahudi bi sukduno-i wa ós an gum sok mo Yefun Allah bi rus-i, bere siri re. Yefun Allah dufo mo ye ne re. Ye gato bi sukjimnut sane bere ku sukye sor, we ye krom mo Yefun Allah bi sukdu do, ”Ye gato yo benbot ye Yahudi bi sukduno mwa ne sino nde, bere Yefun Allah dufo mo ye ne.” {Yefun bariwa nai ye ne sok mo An bi rus-i.}

Filipi 3:6

Ji mit iwa ji simo sukduno mwa ne sino, sane ji ben sukye nai ye gato onyar kem mo Yefun Yesus mo bur Yudea. Suk gato Musa duno men su ne, ji benbot mwa ne or sino, kwa yo gwet mo nde.

Wahyu 3:17

Nin ki do, ’Men yekaya it, men ku suk mwa mó re. Men yo yewa suk nde.’ Nin da ki sane, sarewo nin jam nde, Ji nut mo nin do, ’Kamapa, nin yo ndo nde. Nin yewa suk. Nin gro ndu. Nin kawarun re.’