Lukas 18:1 - Abun Scripture

¹ Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 18:1 ပူးပေါင်းရင်းမြစ်များ

Lukas 11:10

We sare, ye to ndek gat Yefun Allah, bere Yefun Allah syo suk nai an; ye to meret gat, bere an ku suk gato an mitmo ne; ye to nggo nusyo gat, bere ye kak nusyo wa an.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Roma 12:12

Men kwabom kam mo Yefun Allah, ete men mit at mone. Men ku sukye yo, men misyar Yefun nde, wo men eswa sukye ne or kadit men. Men ki suk su Yefun Allah petok sor.

2 Korintus 4:1

Yefun Allah dakai jimnotku men anato An bes men wa men gwat Yefun bi sukduno-i mu ki nai nje jam. Sane men misyar wokgan yo dom nde, men kibot sukdu ne petok sor.

Galatia 6:9

Sane men bambrai wa men ben sukndo petok nde, men syim syu wa nde. Men misyar dom nde, men werwa sane sor, bere tepsu bi kam-i, men ku suk gato ndo kadit Yefun mone tó.

Efesus 6:18

Men jom suk e, men it suk bok ne, men ki suk su Yefun dom et. Men ki suk tepsu suk gato Yefun Allah Gen kadum nai men sor. Sane men fro men nggwa, men werwa men ki suk su Yefun petok sor, men misyar wokgan yo dom nde. Men ki suk su Yefun Allah wa ye gato onyar kem mo Yefun Yesus ne sino petok sor.

Filipi 4:6

Suk gato nin mitmo ne yo, nin nutbot teker nde, nin nutbot sor nin bi sukjimnut waiyu nde. Wo suk mwa gato nin yewa ne, nin ki napyo nai Yefun Allah jam et. Nin ndek mo Yefun Allah subere Yefun syo suk gato nin yewa ne nai nin, ete nin ki ndo mo An sor.

Kolose 4:12

Epafras ki ndo mo nin. An ré, nin dakai bi ye-i. An ré tepsu Yesus Kristus bi pakwerut. An ki suk su Yefun sisu an mit dik si an onyar dik sisu sangge wa nin petok sor. An ndek mo Yefun Allah wa nin subere nin bi sukjimnut kem pe mo Yefun, tepsu yenggras gato bi sukjimnut kak, subere nin bi sukjimnut brek wokgan kadit Yefun Allah dom nde, ete nin benbot suk mwa ne sino gato Yefun iwa ne.

Kolose 4:2

Nin ki suk su Yefun Allah petok sor. Nin ki suk su Yefun yo, nin mewa nin nggwa, nin ki suk su nin mit dik si nin onyar dik. Nin ki suk su Yefun yo, nin ki ndo mo Yefun Allah dom et.

1 Tesalonika 5:17

Nin ki suk su Yefun petok sor.