Lukas 17:5 - Abun Scripture

⁵ Yefun Yesus bi pakon ge musyu dik sop we (gato yé kendo do yerasul), án ki nai Yefun Yesus do, ”Yenggras, Nan ós men et! Nan syo suktinggi nai men, subere men onyar kem mo Yefun Allah nggi wai o et!”

Lukas 17:5 ပူးပေါင်းရင်းမြစ်များ

Markus 6:30

Yefun Yesus bi pakon ge musyu dik sop we ne gato An bes gum yerasul satu ma kadit nat bok yo gato án mu mone. Pakon ne ku Yefun Yesus sa, án sum wairi wa Yefun Yesus, ete pakon ne nuk subot suk mwa gato án mu ben ne si suk gato án duno nje su ne nai Yefun Yesus jam.

Markus 9:24

Yefun Yesus ki sukdu ne sa, sugane it, pa bi ai ne ki do, ”Yenggras, ji da onyar kem mo Nan, sarewo ji yo onyar kem pe mo Nan nde tó. Nan ós ji subere ji onyar kem pe mo Nan o et.”

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

Filipi 4:13

Yesus Kristus anato ben ji nggiwa ji ben suk mwa ne sino re.

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.