Lukas 17:3 - Abun Scripture

³ Sane yo nin mewa nin dakai, sawe nin ben ye yi ges mo os ibit. Nin bi nji ben sukibit ma nai nin yo, nin ki an mo sukibit gato an ben ne. Nin bi nji do kwet kadit sukibit gato an ben ne yo, nin yo maskwa an mone o nde, nin nutbot o nde.

Lukas 17:3 ပူးပေါင်းရင်းမြစ်များ

Matius 18:21

Orete Petrus ma ku Yefun Yesus ete ndo mo do, ”Yenggras, ji bi nji do ben sukibit ma nai ji it yo, ji misyar sukibit gato an ben ne or wé kadit an kom mo wam ot ne? Wam mufit ne tep it bado?”

Lukas 21:34

”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

Efesus 5:15

Sane nin mewa nin nggwa subere nin ben sukndo mo bur ré sor. Nin ben suk tepsu ye gato jimgon nde, wo nin ben suk tepsu ye gato jam suk mwa ko et.

Ibrani 12:15

Nin mewa yu sawe nin deyo mu brek dari tak Yefun Allah gato ben bi suk-i ne ndo wai su men dakai yi. Nin mewa yu sawe nin deyo gwat os ibit wa nin. Tepsu sukjan gato bi ri mó, ete ri ne waii tok sukjan yi mwa neya, bere te re, nin mewa yu kadit ye gato gwat os ibit gane ma, sawe os ne ben sukye wa nin sino, ete kom mo rut ben nin ibit o re.

Yakobus 5:19

Ji bi nji, ji bi nyanggon, nin deyo ges mo os ibit kadit Yefun bi os-i it yo, orete yetu ge dik yo ós wa kar an satu ma mo Yefun Allah bi os-i yo,

2 Yohanes 1:8

Sane nin mewa nin nggwa subere suk gato men ben wa ós nin yo ges kadit nin nde, wo nin wergat nin nggwa subere Yefun Allah syo suk mwa nai nin dakai or sino tepsu suk gato nin ben ne.