Lukas 17:26 - Abun Scripture

²⁶ Bere kam gato Yetu bi Pa ma su ne tepsu kam gato Nowak kem mo bur ré.

Lukas 17:26 ပူးပေါင်းရင်းမြစ်များ

Lukas 17:22

Orge Yefun Yesus ki nai An bi pakon do, ”Kam sari ne ma bere nin iwa nin ku Ji, gato Yetu bi Pa. Bere nin iwa Ji satu ma si nin kem kom mo kam dik yo sor re, sarewo nin yo ku os wa nin ku Ji mo nde.

Lukas 17:24

We sare, kam gato Yetu bi Pa to Ji ré satu ma mo bur ré it yo, bere yé mwa ne sino me Ji ma tepsu yé me nowarek rer bot gu kadit nobu nim kom mo nobu ket.

Lukas 17:27

Su kam gato Nowak kem mo bur ré, yé git sugit e, yé da syur e, yé kra yu e ne. Yé ben suk gato sagana án ben ne sane sor kom mo kam gato Nowak sok mo bi kwem mit ne. Orge Yefun Allah ben syur syé ma gu yé mwa ne kwop or.

Lukas 17:7

”Men nut subot nin ge dik yo bi pakwerut dik yo gato ben suk wa nin sato ben suk mo nggwe e, mewa yenggras ne bi suksi e ne. Pakwerut satu ma mo nu yo, yenggras ne kendo pa ma git sugit kekro, bado?

Lukas 18:8

Sane nde, wo Ji ki sare do, bere Yefun Allah ós An bi rus-i kekro. Sarewo kapyo tak Ji, gato Yetu bi Pa, satu ma mo bur ré it yo, bere Ji ku ye gato onyar kem mo Yefun Allah mó, bado?”

Ibrani 11:7

Yenggras Nowak onyar kem mo suk gato Yefun Allah ki ne, sane anato Yefun Allah ki subot suk gato bere Yefun ben bor mo bur ré nai Nowak jam nyim wé re. Kapre Nowak yo me suk gato bere Yefun ben ne su an gro nde tó, Nowak onyar kem mo Yefun Allah. Nowak jammo suk gato Yefun ki ne, ete Nowak tem kapal sye. Ri ma an si an bi rus-i it mo kapal mit kadit syur syé. Sane Yefun Allah syo sukye nai nje mo bur ré su syur syé. Syur syé gu nje kwop or, sarewo Nowak si bi rus-i kem ndo kadit syur ne. Nowak onyar kem mo suk gato Yefun ki ne, anato Yefun Allah nutbot do, Nowak sa, an tep wa Yefun nai an sok mo Yefun bi rus-i sor.

2 Petrus 2:5

Sane dom, tomga nyim tuya Yefun Allah yo misyar yetu gato ben sukibit mo bur ré nde, wo sugane Yefun Allah ben syur syé sye gu nje gato bariket Yefun Allah mo bur ré wé. Nowak si bi rus ge mufit sor re anato Yefun Allah ós kem ndo kadit syur syé ne, we Nowak anato duno nje subere yé ben sukndo tepsu Yefun Allah mit.

2 Petrus 3:6

Yetu mwa gato kem mo bur suga nyim neya, Yefun Allah ki su syokwet sor re, ete syur syé ma gu yé mwa ne kwop or.