Lukas 17:21 - Abun Scripture

²¹ Bere yetu ge dik yo ki do, ’Yefun Allah jowa men more re.’ Sane nde. Bere yetu ge dik yo o ki do, ’Yefun Allah ma it. Yefun Allah jowa nje motu re.’ Sane nde, wo sare, Yefun Allah jowa men mit si men onyar it, An tepsu men bi Yekwesu mo men mit si men onyar. Men yo me su men gro nde.”

Lukas 17:21 ပူးပေါင်းရင်းမြစ်များ

Matius 12:28

Ji syun semda su Beelzebul bi suktinggi nde, wo Yefun Allah Gen gato mo Ji mit ne anato ben Ji nggiwa Ji syun semda, sane anato nin jam do, Yefun Allah bi suktinggi tepsu Yekwesu gato nggi wai bor it anare. Yefun Allah ma jowa yetu mo bur ré it.”

Markus 13:21

Su kam gane ete ye yo do ma ki do, ’Nin me ye ré et! Kristus gato Yefun Allah syogat ma wa jowa men anato ma it!’ ’Nin me ye motu et! Kristus anatu it!’ yo, nin jambot nde.

Lukas 17:23

Kam sari ne ma, bere yé bok yo ki nai nin do, ’Nin me Ye ré et! Yetu bi Pa ma it!’ bado, ’Nin me Ye ne et! Yetu bi Pa anatu it!’ Yé ki sukdu sane yo, nin jambot nde. Nin mu meret Ji dom nde.

Lukas 21:8

Yefun Yesus ki do, ”Nin mewa nin nggwa sawe ye yo ma kidar nin. Bere yé mwa ma ki do, ’Ji anato Kristus, kam gane ana ma it, bur ré kru it anare,’ ete kidar yé bok ne sino jammo án re. Yé do ma ki sukdu sane yo, nin simo yé ne nde.

Yohanes 1:26

Yohanes ki nai án do, ”Ji anato ras nin mo syur sor re. Sarewo Yetu ge dik yo o ma si nin kem more sino mó re, wo nin jam nde An re.

Yohanes 18:36

Yefun Yesus ki do, ”Ji yo tepsu yeraja gato jom yetu mo bur ré nde. Ji tepsu yeraja mo bur ré yo, bere Ji bi pakon futmu mo ye Yahudi bi yeko, subere yeko ne yo but Ji nde. Sarewo Ji gum yeraja mo bur ré nde, wo mo pe yi re.”

Roma 14:17

Yefun Allah tepsu men bi Yekwesu, sane it yo, men nutbot syur gato men da teker o nde, men nutbot sugit gato men git e ne teker o nde, wo men bi sukjimnut sye mo suk gato Yefun Allah Gen ben men nggiwa ben sato ré: men nggiwa ben suk gato Yefun Allah iwa men ben ne e, men ku os wa men si Yefun Allah kem ndo su yu e, men mit at wa Yefun Allah bi suk-i e ne.

Kolose 1:27

Yefun Allah iwa An bi rus-i gato ma kadit yewis yi neya jam sukdu gato ndo ré, gato nyim tuya An gurik ne. Yefun Allah iwa yetu mwa ne sino jam An bi sukdu ré gato bi sukjimnut kru ete ndo wai ne. Sukdu gato suga nyim An gurik ne anato sukdu subot Yesus Kristus gato ma ete si nin tepsu yedik sino. Men kwabom kam mo Yesus Kristus gato kak os ndo wa men kem mo Yefun Allah bi nat-i gato ndo wai o re.