Lukas 16:6 - Abun Scripture

⁶ Ye ne ki do, ’Ji bi bon ne kom mo jeriken sye wotin dik ses su manik zaitun.’ Ye gato jom yepasye ne bi suk mwa ne ki do, ’Nan me nan bi bon gato ji krom more wa ji bi yenggras jam ne. Nan ma kekro, nan rus suk gato ji krom ré wé et. Nan krom do, nan bi bon kom mo jeriken sye musyu mek sor re, musyu mek yo, men misyar sor.’

Lukas 16:6 ပူးပေါင်းရင်းမြစ်များ

Matius 20:8

Kom mo noru, ye gato bi nggwe ne ki nai an bi pa gato tepsu yesu wa yé mwa gato ben suk mone do, ’Nan kendo yé gato ma ben suk ma sum, ete nan syo sugum nai án mo án bi kamba et. Nan syo bi gaji nai yé gato ma ben suk kadit kre ne nyim, orete nan syo nai ye gato ma ben suk kadit nyotkwo wari.’

Lukas 16:12

Nin yo mewa ye yi bi suk-i sisu ndo nde yo, bere yé yo syo an bi suk sok mo nin tepsu nin bi suk-i dom nde.

Lukas 16:5

Sane pakwerut ne kendo yé bok yo gato bi bon mo an bi yenggras ne ma mone. An kendo kadik-kadik ma, ete an ndo mo ye gato ma su futmo ne do, ’Nan bi bon mo ji bi yenggras ne kom mo ot ne?’

Lukas 16:7

Or o pakwerut gato jom yepasye bi suk mwa ne ndo mo ye kedowe o do, ’Nan bi bon kom mo ot ne?’ Ye ne ki do, ’Ji bi bon ne kom mo fas karung ribu dik.’ Pakwerut ne ki do, ’Sane nan rus nan bi bon gato ji krom ré wé, ete nan krom do, nan bi bon kom mo fas karung wotin munggwo sor re, wotin we yo, men misyar sor.’

Lukas 16:9

Orge Yefun Yesus ki o do, ”Sane Ji ki sare do, nin syo nin bi suk nai nje, subere yé ne kak án mit wa nin, ete nin ku nin bi yesyim ge bok yo mone. Sane nin bi suk mwa mo bur ré do or kadit nin it yo, bere Yefun Allah syo nat gato ndo wa nin kem mó. Bere nin kem ndo mone to kapyo mato kapyo.

Yohanes 2:6

Mo pe ne ye grem sukbo mumat wa yé rin syur mó. Sagana ye Yahudi yo sok ari nde tó, yé de syur gato yé rin mo sukbo ne. Yé rin syur mo sukbo ne ses yo, bergan tepsu liter wotin dik mo sukbo dik. Sugane sukbo mumat kwop mone.

Titus 2:10

Án syimsi án bi yenggras bi suk nde, wo án ben bi án suk-i ndo sor, subere án bi yenggras mit kem mo án. Án ben suk mwa sane subere ye yi me suk gato án ben tepsu Yefun Allah bi sukduno-i, ete ye mit iwa Yefun Allah bi sukduno-i mone. Yefun Allah anato fro os ndo wa men kem ndo to kapyo mato kapyo.