Lukas 16:31 - Abun Scripture

³¹ Sarewo Abraham ki do, ”Yé ne yo jammo suk gato Musa si yenabi krom ne nde yo, kapre yekwop dik yo sun mu ki nai án o, bere yé ne yo jammo yekwop ne bi sukdu-i dom nde.”

Lukas 16:31 ပူးပေါင်းရင်းမြစ်များ

Lukas 16:30

Sarewo yepasye ki do, ”Yenggras Abraham, sukduno ne yo tep nde re. Wo yekwop dik yo do sun ete mu ki nai ji bi nji yo, bere án kwet kadit sukibit gato án ben ne sino, ete án jammo Yefun.”

Lukas 17:1

Yefun Yesus ki nai An bi pakon do, ”Suk bok yo ben men yetu ges mo os ibit. Suk gane bere mó, sarewo ye gato gwat os ibit ne ma wa men, bere ye ne ku sukye ndo nde.

Yohanes 5:47

Wo nin yo onyar kem mo suk gato Musa krom ne nde, sane bere nin onyar kem mo suk gato Ji ki ne sa u ne?” Bere yo mo nde.

Suk Gato Yerasul Ben Ne 19:8

Paulus mu, an sok mo ye Yahudi bi nu ari. An ki suk, an yo nyu nde. An ki suk mone kamdik-kamdik sane sor kom mo aina gri. An duwer nje mone subot os gato men yetu sibot subere men sok mo Yefun Allah bi rus-i. Paulus wergat nje mone subere án sino sibot sukdu subot os ndo gato Yesus Kristus kak wa men yetu sok mo Yefun Allah bi rus-i. Paulus ki bi sukdu-i ne nggi.

Suk Gato Yerasul Ben Ne 26:28

Orge Agripa ki nai Paulus do, ”Nan nut do, nan werwa ki nan bi sukdu-i nai ji, bergan sor ete ji nai sukjimnut wa ji jammo Yefun Yesus tepsu ye Kristen it, bado?”

Suk Gato Yerasul Ben Ne 28:23

Sane án si Paulus tom yu su kam gato bere án ku yu o wa kibot sukdu ne. Su kam ne, án si yetu ge bok yo o ma mo nat gato Paulus kem mone. Kadit nyotkwo sor kom mo noru Paulus nuk sukdu subot os gato Yefun Yesus kak wa men yetu gum sok mo Yefun Allah bi rus-i, ete bere Yefun Allah tepsu men bi yekwesu mone or re. Paulus nukbot Musa si yenabi bok ne bi sukdu-i, subere yé jam rer do, Musa si yenabi ne krom bi sukdu-i subot Yefun Yesus anato bor re. Paulus ki bi sukdu-i, Paulus werwa ye Yahudi gato ma ne jammo an bi sukdu-i, ete brek ma onyar kem mo Yefun Yesus.

2 Korintus 4:3

Men da ki subot os ndo gato Yesus Kristus kak wa men yetu ne nai nje jam, sarewo yé deyo gato bere ges mo bot gesyos, yé ne bi sukjimnut yo kak wa but sukdu ne nde.

2 Korintus 5:11

Men sa, men nyuwa men bi Yekwesu Yefun Yesus. Men jam do, men ben sukibit yo, bere men ku sukye mone. Sane anato men wergat ye yi neya subere yé mwa ne brek ete jammo Yefun et. Yefun Allah dakai jam men kom mo mit, sane men mit iwa nin dom jam men kom mo mit, tepsu Yefun re.