Lukas 16:20 - Abun Scripture

²⁰ Yetu ge dik yo o, an gum do Lazarus. Lazarus ré, an yewa suk mwa. An bi suk yo mo nde, an ndek suk daret. Lazarus ré, wip mok mwa git an kaim ndo nde. Lazarus kem mo yepasye ne bi nusyo de nden.

Lukas 16:20 ပူးပေါင်းရင်းမြစ်များ

Matius 26:71

Orete Petrus mu syesyar ket ros syo. Or o nggon kwerut dik yo o ma me an. Nggon ne ki nai yé mone do, ”Ye ré sisu Yefun Yesus gato ma kadit kota Nazaret ne.”

Lukas 16:19

Yepasye ge dik yo, an ye gato bi suk mwa yé re. Yepasye ne kem ndo, an it san gato ndo. Kamdik-kamdik, an git sugit gato ndo yé re, suk mwa ne ndo sino.

Lukas 16:21

Lazarus on de ndo nde. Lazarus mit iwa an git sugit napta gato yepasye bare wé mo nden, sarewo sugit ne yo kom an nde. Sane dom, ndar ma rim an wip mone.

Yohanes 11:1

Yetu ge dik yo gato gum do Lazarus, an kem mo kampung dik yo gato gum do Betania. An si an bi nyanggon Maria si Marta kem mone sino.

Suk Gato Yerasul Ben Ne 3:2

Yetu ge dik yo, ye ne gwes út kadit kam gato an bi im kem su an ne, yé sam ye gwes út ne ma. Ye grem an mo Yefun Allah bi nusyo dik yo gato ye kendo do, ”Nusyo gato ndo.” Kamdik-kamdik yé grem ye gato gwes út mone, subere an ndek sugum mo yé gato sok mo nu mit ket nusyo ne.

Yakobus 1:9

Ye gato onyar kem mo Kristus, gato gum wok mo bur re, Yefun Allah bes an gum kok mo Yefun Allah bi de-i, sane an mit at wa et. Kapre an yewa suk, an mit at wa sor.

Yakobus 2:5

Ji bi nji, ji bi nyanggon gato ji jimnotku, nin jammo suk gato ji krom ré sisu ndo et, Yefun Allah bes ye gato yewa suk mo bur ré subere an bi sukjimnut kem pe mo Yefun nggi wai kadit ye gato bi suk mwa mo bur ré. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.