Lukas 16:19 - Abun Scripture

¹⁹ Yepasye ge dik yo, an ye gato bi suk mwa yé re. Yepasye ne kem ndo, an it san gato ndo. Kamdik-kamdik, an git sugit gato ndo yé re, suk mwa ne ndo sino.

Lukas 16:19 ပူးပေါင်းရင်းမြစ်များ

Markus 15:17

Yesukmise ne siker Yefun Yesus sare do, Yefun Yesus yeraja. Sane yesukmise ne it san er mo Yefun Yesus, {san er gato sagana ye Roma bi yekwesu it ne}. Orete yesukmise nai kweran gato jak mó, ete án far kweran bot yu tepsu bumam, ete án bom mo Yefun Yesus su.

Markus 15:20

Yesukmise ne kamo su Yefun Yesus, or án jogru san er ne kadit, ete án it Yefun Yesus bi sansun ne satu mo Yefun Yesus. Orete án gwat Yefun Yesus mu nden wa án mban mo kwesukwin.

Lukas 15:13

Kam bok yo, orge pa dowok ré so an bi sukrok mwa ne or, an ku sugum mwa mone. Orge pa gwat sugum mu kadit pa bi nat-i re. Pa mu mo os syu mo bur yi. Pa kem mone sa, pa kamo pa bi sugum ne daret sane sor sugum or re.

Lukas 16:1

Yefun Yesus ki nai An bi pakon do, ”Yepasye dik yo gato bi suk mwa, yenggras ne bi pakwerut dik yo gato jom an bi sugum si suk mwa. Sarewo ye yi ndak ye gato jom yenggras ne bi sugum si suk mwa ne do, pakwerut ne kamo su yenggras bi suk mwa anato deyo ges or re.

Lukas 16:18

Ye to sombok an bi nggon wé, ete an kra su nggon yi yo o it yo, ye ne ben suk siri ses an bi nggon doketke anane. Ye to kra su nggon gato bi ya sombok ne it yo, ye ne ben suk siri dom anane.”

Lukas 16:20

Yetu ge dik yo o, an gum do Lazarus. Lazarus ré, an yewa suk mwa. An bi suk yo mo nde, an ndek suk daret. Lazarus ré, wip mok mwa git an kaim ndo nde. Lazarus kem mo yepasye ne bi nusyo de nden.

Wahyu 17:4

Nggon ne it san te si san er gato bi sugum sye. Ye mbrau nggon ne su emas e, jok gato bi sugum sye sisu mutiara. Nggon ne jom mok emas. Ben sato suksiri mwa gato ibit ndo nde sisu sukibit mwa neya gato nggon ne ben ne, ye sye tepsu syur mo mok ne ses. Nggon ne mit iwa da syur mo mok ne bu, nggon ne mit iwa sukibit kas petok sor.

Wahyu 18:16

ete án ki do, ”Kamapa! Yé mo kota Babel gato ye bes gum kok ku sukye ndo nde! Yé mone it san kwo ndo gato ye kendo gum do lenan. Án it san te si san er gato bi sugum sye. Yé mbrau án nggwa su emas e, jok gato bi sugum sye sisu mutiara.

Wahyu 18:7

Nin ben sukye nai án sor án dipa, ete án wo án nderku án dakai, nin ben sukye mwa nai án tepsu suk mwa gato án dakai nai wa án dakai, ete án bes án nggwa kok su ne. Yé mo kota ne dakai nut mo án dakai tepsu nggon pasye sare do, ’Ji ré sa, tepsu nggon pasye. Ji nggonna nde. Bere ji yo nderku nggwa wokgan yo dom nde.’