Lukas 16:16 - Abun Scripture

¹⁶ ”Kadit ketke sor kom mo kam gato Yohanes, gato ras nje mo syur ma ne, yé duno nje su Musa si yenabi bi sukduno-i. Wo kadit kam gato Yohanes ma ne, Ji si Ji bi pakon duno nje subot os ndo gato Yefun Allah fro wa Yefun nai nin yetu gum sok mo An bi rus-i, ete An tepsu nin bi Yekwesu mone. Yé mwa jam sukdu ne anato yé mwa wergat nggwa wa án sok mo Yefun Allah bi rus-i.

Lukas 16:16 ပူးပေါင်းရင်းမြစ်များ

Matius 10:7

Nin mu yo, nin kibot Ji bi sukdu do, ’Yefun Allah ma jowa men tepsu men bi Yekwesu it anare!’

Matius 15:11

Yefun Allah yo bariket men mo sugit gato men git ete ngga mo men syokwet ne nde, wo suk gato syesyar kadit men syokwet anato bere ben Yefun Allah bariket men mone.”

Matius 21:32

Yohanes gato ras nje mo syur da ma ete kadum os gato ndo tepsu Yefun mit wa nin muket ne ware, nin yo onyar kem mo an bi sukdu-i nde, wo yé gato ben sukibit sato yé gato nai sugum kadit nje wa pemerintah ne si nggon gato ben siri mwa ne sa, án kwet, ete án jammo Yohanes bi sukdu-i. Nin da me yé gato ben sukibit ne kwet ete jammo Yohanes bi sukdu-i, sarewo nin yo nai sukjimnut wa nin kwet ete jammo an bi sukdu-i dom nde.”

Matius 3:2

An ki do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, nin jammo Yefun Allah et.”

Matius 4:17

Kadit kam gato Yefun Yesus mu kem mo kota Kapernaum An duno nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin jammo Yefun et.”

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Markus 1:14

Yé grem Yohanes mo penjara or sa, Yefun Yesus mu mo bur Galilea wa An ki sukdu subot os ndo gato Yefun Allah tarubot An.

Markus 1:45

Yefun Yesus da ki nai ye ne, sarewo ye ne mu nuk sukdu ne nai yé mwa mo peyo-peyo, subere yé mwa mone jam. Sane Yefun Yesus yo ku os wa An sok mo kampung bok yo mone nde, we yé mwa mone jam suk gato Yefun Yesus ben ne, ete yé mwa ne iwa ku An. Sane Yefun Yesus mu sem mo nden, mo pe gato yé yo mo nde. Sarewo yé mwa kadit pe bok ne sino ma meret An petok gat sor.

Lukas 10:11

’Nin bariwa wa men, sane bofuf kadit os ré gato út mo men gwes, bofuf ne men ndot ges wé kadit men gwes tak re, subere nin jam do, nin ben sukibit nai men re. Kapre nin ben sukibit nai men, nin jammo sukdu gato men ki ré et, Yefun Allah ma wa An jowa nin tepsu nin bi Yekwesu it anare!’

Lukas 10:9

Ye gato i mone, nin ben yé ne ge, ete nin ki nai nje mone do, ’Yefun Allah ma wa An jowa nin tepsu nin bi Yekwesu it anare!’

Lukas 16:29

Orge Abraham ki nai yepasye ne do, ”Sukduno gato Musa si yenabi bok ne krom ne wai mó re. Nan bi nji jammo sukduno ne sor re.”

Lukas 16:31

Sarewo Abraham ki do, ”Yé ne yo jammo suk gato Musa si yenabi krom ne nde yo, kapre yekwop dik yo sun mu ki nai án o, bere yé ne yo jammo yekwop ne bi sukdu-i dom nde.”

Lukas 9:2

Yefun Yesus syo suktinggi nai An bi pakon ne, orete Yefun Yesus syogat An bi pakon mu ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Yefun Yesus syogat An bi pakon mu ki sukdu ne sor nde, wo pakon ne mu ben ye gato i ne ge kadit án bi suki ne dom.

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 11:48

Men misyar An dakai ben An bi suk-i sane sor, bere yé mwa onyar kem mo An it are go! Bere ye Roma gato jom men maskwa, ete ma ben men bi nat ré ibit. Bere ye Roma ma ben Yefun Allah bi nu ibit mwir dom re.” {Ye Farisi nokwa do, bere yé bes Yefun Yesus tepsu Yekwesu, ete yé bariwa yé jammo ye Roma o re.}

Yohanes 12:19

Sane ye Farisi ki nai yu do, ”Nin me ré! Men bi sukdu yo git o nde! Yé yo jammo men o nde! Yé mwa mo bur ré mu or mo An re.”

Yohanes 5:4

we wam bok yo Yefun Allah bi malaikat is ma mo syurgun, ete malaikat ne ben syur ne rom-ram. Syur ne do rom-ram yo, ye gato mu bok ngga mo syur ne nyim kadit ye yi neya, bere an ge kadit an bi suki re.]

Suk Gato Yerasul Ben Ne 3:18

wo suk gato nin ben ne bor tepsu suktaru gato Yefun Allah tarubot yenabi suga nyim tuya sare do, ”Yekwesu gato ye kendo do Kristus, gato Yefun Allah syogat ma mo bur ré wa nai men yetu wé kadit sukye ete jowa men, Kristus ne bere ku sukye.” Nin anato ben sukye ne nai Yefun Yesus tepsu sukdu gato Yefun Allah tarubot yenabi ne re.