Lukas 16:13 - Abun Scripture

¹³ Sare, pakwerut ge dik yo, an yo nggiwa ben suk wa yenggras ge we nde. Bere ye ne bariket yenggras ge dik yo, ete an jimnotku yenggras ge dik yo sor re. Bere ye ne jammo yenggras ge dik yo ete an misyar yenggras ge dik yo sor re. Sane nin yo nggiwa nin gum pakwerut wa Yefun Allah si sugum sino nde.”

Lukas 16:13 ပူးပေါင်းရင်းမြစ်များ

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Matius 6:24

”Yetu ge dik yo, yo nggiwa ben suk wa yenggras ge we nde. Bere ye ne bariket yenggras ge dik yo, ete an jimnotku yenggras ge dik yo sor. Bere ye ne jammo yenggras ge dik yo sor, ete an misyar yenggras ge dik yo sor re. Sane dom, nin yo nggiwa jammo Yefun sisu sugum sino nde.

Lukas 11:23

Ye gato mit dik su Ji nde anato tepsu ye gato bariket Ji re. Ye gato yo si Ji ben Yefun Allah bi suk-i nde anato tepsu ye gato ben suk gato Ji ben ne ibit or re.”

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

Lukas 16:12

Nin yo mewa ye yi bi suk-i sisu ndo nde yo, bere yé yo syo an bi suk sok mo nin tepsu nin bi suk-i dom nde.

Lukas 16:9

Orge Yefun Yesus ki o do, ”Sane Ji ki sare do, nin syo nin bi suk nai nje, subere yé ne kak án mit wa nin, ete nin ku nin bi yesyim ge bok yo mone. Sane nin bi suk mwa mo bur ré do or kadit nin it yo, bere Yefun Allah syo nat gato ndo wa nin kem mó. Bere nin kem ndo mone to kapyo mato kapyo.

Lukas 9:50

Yefun Yesus ki nai Yohanes si bi pakon deyo do, ”Nin duyawa ye ne nde, we ye gato yo duwer men nde sok mo men bi det-i, bere an ós men mone tó.”

Yakobus 4:4

Nin anato ye gato ben suk siri kadit Yefun Allah mit. Nin mit iwa bur ré bi suk-i, anato nin tepsu ye gato bariket Yefun Allah re, nin jam bado, nde e? Ye to nai sukjimnut do, an mit iwa bur ré bi suk-i anato tepsu yeko wa Yefun Allah it.