Lukas 15:6 - Abun Scripture

⁶ An satu mo an bi nu, orge an kendo an bi yesyim si ye gato kem mo kampung ne sum sino, ete an ki do, ’Ji ku ji bi domba gato muri, sane nin ma men mit at wa sino et.’

Lukas 15:6 ပူးပေါင်းရင်းမြစ်များ

Lukas 1:58

Elisabet bi nje si ye gato kem mo kota ne jam sukdu subot sukndo gato Yefun Allah dakai ben su mom ne sa, yé mwa si Elisabet mit iwa mone sino.

Lukas 15:10

Sane dom yetu ge dik yo do kwet kadit sukibit gato an ben ne, ete an brek ma jammo Yefun it yo, Yefun Allah bi malaikat mwa ne mit at wa wai o re. Sangge!”

Lukas 15:24

Ji nut do, ji bi pa gato mu ré kwop re, sarewo pa ré mbau o re. Ji nut do, ji bi pa ré muri re, an yo ma o nde, sarewo an satu ma ku ji o re.’ Sane pakwerut benbot suk gato yenggras ki ne. Yé mo nu ne konwa pa gato satu ma ne.

Lukas 15:5

An do ku domba ne sa, an bes an sam satu ma, an mit at wa wai o re.

Lukas 15:7

Sane dom yetu ge dik yo kwet kadit sukibit gato an ben ne, ete an brek ma jammo Yefun it yo, bere Yefun Allah mo gu mit at wa yetu ge dik ne wai kadit yetu ge musyu musi sop musi gato ben sukndo tepsu Yefun mit, ye gato kwet suga nyim ne wé re.”

Yohanes 15:14

Nin benbot suk gato Ji syogat nin ben ne yo, nin tepsu Ji bi yesyim anane.

Yohanes 3:29

Tepsu gato men kra yo, nggon gato ma ne anato yebris ne bi nggon anane it. Yebris bi yesyim gato sisu an mone, yesyim ne jam nggon ne ma yo, an si bi yesyim ne sino mit iwa wai o re. Sane dom ji jam do, Kristus ma ne yo, ji dom mit iwa wai o re.

Suk Gato Yerasul Ben Ne 11:23

Barnabas mu kom motu sa, an me sukndo gato Yefun Allah dakai ben su yewis yi gato onyar kem mo Yefun Yesus mone. An me do, Yefun Allah ós yé ne ben suk tepsu Yefun Allah mit. Barnabas mit iwa suk gato an me ne. Barnabas ki do, ”Nin mit dik wa Yefun Yesus sor, nin brek kadit Yefun Yesus bi os gato ndo ne nde.”

Suk Gato Yerasul Ben Ne 15:3

Sane yé bok gato ye bes ne mu. Án muket bur Fenisia, si bur Samaria saresa, án nuk subot yewis yi nai ye gato kem mone, án nukbot suk gato ben to yewis yi jam sukdu subot Yesus Kristus, orete yewis yi mwa neya nai sukjimnut wa án brek kadit os ibit ete jammo Yefun Yesus tepsu án bi Yekwesu. Ye gato onyar kem mo Yefun Yesus mo bur ne jam sukdu ne sa, án mit iwa wai o re.

Filipi 1:4

Ji ndek suk mo Yefun Allah wa nin sino yo, ji mit at wa.

Filipi 2:17

Nin onyar kem mo Yefun Allah it. Nin bi nin nggwa mo An, nin samok wa nin ben An bi suk-i. Suk mwa gato nin ben ne anato tepsu suksom gato nin gwat wa som Yefun Allah su ne. Sane ji mit at mo suk mwa gato nin ben ne. Yé bok ji mo sel ré mo gato ji ki subot Kristus. Sarewo yé do gu ji kwop it yo, ji mit at tó, we ji do kwop it yo, ben sato ji waii grem suk yo tó suk mwa gato nin gwat wa som Yefun Allah su ne.

Filipi 4:1

Sane yo, ji bi nji, ji bi nyanggon gato ji jimnotku, ji mit at ndo nde mo suk gato nin ben ne. Ji mit iwa dom, tepsu ye gato ku sukndo wai o re. Sane yo, ji bi yesyim, nin jom men bi Yekwesu Yesus Kristus bi sukdu-i ne pe it yo, bere nin benbot suk mwa gato ji krom gado ne sor.

1 Tesalonika 2:19

Men iwa men ba ku nin, we nin anato ben men mit at. Nin benbot suk gato men duno nin su ne, sane bere su kam gato men bi Yekwesu Yesus Kristus satu ma mo bur ré, men kwabom kam mo Yefun do, men ku Yefun Yesus mone yo, bere Yefun mit iwa men, we suk gato men ben su nin ne kas sisu ndo. Sane mo Yefun Yesus gwem, bere men mit at mo nin.

1 Petrus 2:10

Suga nyim nin yo tepsu Yefun Allah bi rus-i nde, wo su ré sa, nin tepsu An bi rus-i it. Suga nyim Yefun Allah dakai jimnotku nin ndo nde, sarewo nin jam nde re. Wo su ré sa, nin jam rer it. Yefun Allah dakai jimnotku nin anato An nai nin sok mo An bi rus-i it.

1 Petrus 2:25

Suga nyim neya nin jam nde os gato sangge sato domba gan gato muri, wo su ré sa, Yefun Allah kar nin satu, subere nin jammo Yefun Yesus gato mewa nin, tepsu suksi jammo ye gato mewa suksi ne sisu ndo ne. Yefun Allah kar nin satu ma mo Kristus subere Kristus uttok nin petok sor.