Lukas 15:22 - Abun Scripture

²² Sarewo yenggras ne kendo an bi pakwerut bok ne ma, yenggras ne ki do, ’Nin ma kekro, nin mu nai san gato ndo ma wa nin it mo pa ré. Nin mu nai cincin ma wa nin it mo pa ré sopkwa. Nin mu nai sepatu ma wa nin it mo pa ré gwes. Nin mbrau ji bi pa et.

Lukas 15:22 ပူးပေါင်းရင်းမြစ်များ

Lukas 15:21

Orge pa ne ki do, ’Ai o, ji ben ji bi suk-i siri kadit Yefun Allah mit. Ji ben ji bi suk-i siri kadit nan mit dom. Ji gum yo tepsu nan bi pa o nde.’

Lukas 15:23

Orge nin mu nai sapi gan gato sye. Nin gu kwop, subere men git sino, men konwa ji bi pa gato ma ré. Men kamowa et!

Roma 13:14

Men jammo sukjimnut gato tik men mit wa ben sukibit tepsu yetu iwa ben ne o nde, wo men nai sukjimnut wa men bi men nggwa mo men bi Yekwesu Yesus Kristus subere men ben suk tepsu An mit sor.

Roma 3:22

sare do, yetu gato onyar kem mo Yesus Kristus sor anato ku os wa Yefun Allah ki mo yé ne do, yé ne sa, tep wa sok mo An bi rus-i. Yefun Allah fro os gare wa yetu mwa ne sino gato onyar kem mo Kristus, ye Yahudi si yewis yi mwa ne, án sino bi os dik ne tepsu yu re.

Roma 8:15

Yefun Allah Gen, gato bok nggwa mo men ne, yo ben men tepsu pakwerut wa suknyu o nde, wo Yefun Allah Gen ben men tepsu Yefun Allah bi pa-i. Sane Yefun Allah Gen mo men mit ben men kendo Yefun Allah do, ”Ai o, ji bi Ai o.”

Galatia 3:27

Nin yé bok ne sino gato bi nggwa mo Yesus Kristus ete ye ras nin mo syur ne, nin tepsu Yefun bi pé-i, we nin nai sukjimnut tepsu Yesus Kristus it.

Efesus 6:15

Sane o, men mu kibot os ndo gato Yefun Yesus kak wa men yetu subere ye gato jammo sukdu ne si Yefun Allah kem ndo su yu. Men mu ki subot sukdu ne sor, tepsu men it sepatu anane.

Wahyu 19:8

Nggon ne ku san gato kwo ndo wa nggon it re.” (San kwo ndo ne bi sukjimnut do, sukndo gato yé gato onyar kem mo Yefun Yesus mo bur ré ben tepsu Yefun mit ne.)

Wahyu 2:17

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”

Wahyu 3:18

Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Wahyu 6:11

Yé bok ne ku san gato kwo ndo wa án it. Yefun syogat án kem not yei sane sor án bi nji, gato si án ben Yefun bi suk-i ne, yé gu kwop sagato yé gu án ne, kom mo pe gato or mó, ete bere Yefun ndobot yetu mo bur ré.

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.