Lukas 15:10 - Abun Scripture

¹⁰ Sane dom yetu ge dik yo do kwet kadit sukibit gato an ben ne, ete an brek ma jammo Yefun it yo, Yefun Allah bi malaikat mwa ne mit at wa wai o re. Sangge!”

Lukas 15:10 ပူးပေါင်းရင်းမြစ်များ

Matius 10:32

”Ye gato ki mo yé mwa gwem do, an si Ji tepsu dik, bere Ji waii ki sane nai Ji bi Ai mo gu.

Matius 18:10

”Sane nin mewa nin nggwa subere nin gwat os ibit wa pa wokgan sato ré nde, we Ji ki sare do, malaikat gato mewa pa ré mu ku Yefun Allah mo gu petok sor. [

Matius 18:14

Sane dom, men bi Ai mo gu bariwa ye gato sok mo An bi rus-i sim ge dik yo muri kadit An.”

Lukas 12:8

Yefun Yesus ki do, ”Ji ki sare do, ye gato ki mo yé mwa gwem do, an tepsu dik su Ji, gato Yetu bi Pa, bere Ji waii ki sane nai Yefun Allah bi malaikat mwa ne.

Lukas 12:9

Wo ye gato rewa Ji mo yé mwa gwem, bere Ji waii rewa ye ne mo Yefun Allah bi malaikat gwem dom. Sarewo ye to da jam Ji gum sarewo an bambrai wa ki Ji gum mo yé mwa gwem, sane bere Yetu bi Pa waii rewa ye ne gum mo Yefun Allah bi malaikat gwem.

Lukas 13:5

Sane nde re. Ji ki sare do, nin yo kwet kadit sukibit gato nin ben ne nde, bere nin waii kwop sato yé ne dom.”

Lukas 15:11

Yefun Yesus gwat sukamno dik yo o, An ki do, ”Yenggras dik yo bi pa yebris ge we.

Lukas 15:7

Sane dom yetu ge dik yo kwet kadit sukibit gato an ben ne, ete an brek ma jammo Yefun it yo, bere Yefun Allah mo gu mit at wa yetu ge dik ne wai kadit yetu ge musyu musi sop musi gato ben sukndo tepsu Yefun mit, ye gato kwet suga nyim ne wé re.”

Lukas 15:9

Nggon ne do ku sugum ne sa, mom kendo mom bi yesyim si ye gato kem mo kampung ne ma sum sino, ete nggon ne ki do, ’Ji ku ji bi sugum gato ges satu it, sane nin ma men mit at wa sino et.’

Lukas 7:47

Sane Ji ki sare do, nggon ré bi sukjimnut sye kas subot Ji wai o re, we mom jam do, sukibit mwa gato nggon ré ben ne or wé kadit mom it, Ji yo nutbot o nde. Sarewo ye gato ben sukibit wokgan, ete an jam do, Ji yo nutbot o nde yo, bere ye ne bi sukjimnut sye yo kas subot Ji teker eta nde.”

Suk Gato Yerasul Ben Ne 11:18

Petrus nuk subot sukdu ne, yé mwa mone jam or sa, yé duwer Petrus mone o nde. Yé un Yefun Allah, yé ki do, ”Ré yo, Yefun Allah kak os wa men ye Yahudi sok mo An bi rus-i sor nde, wo An kak os wa yewis yi sok mo An bi rus-i ne dom. Yefun Allah kak os wa yewis yi ne kwet kadit os ibit, ete kem ndo to kapyo mato kapyo.”

Suk Gato Yerasul Ben Ne 5:19

sarewo noru miten, ete Yefun bi malaikat ge dik yo kak penjara bi nusyo. Malaikat ne gwat yerasul ma nden, orete malaikat ki nai yerasul bok ne do,

2 Korintus 7:10

Sane men nderku nggwa digane anato kak men bi sukjimnut mo Yefun bi os-i o re, ete kadit ne o, men kem ndo to kapyo mato kapyo. Sane men yo nut subot sukibit gato ben men nderku nggwa mone o nde. Sarewo men nderku men nggwa tepsu yetu gato jam nde Yefun ben ne sane sor, yo or mo nde yo, kom mo rut sa, bere men bi sukjimnut ibit mone, ete kadit ne, men ges mo bot gesyos o re.

Filemon 1:15

Yefun Allah fro os wa Onesimus si nan wat yu wikgan, subere ri ma, pa satu ma si nan kem pe mone bayok.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.