Lukas 14:3 - Abun Scripture

³ Yefun Yesus ndo mo ye Farisi si yeguru agama mone do, ”Men ben ye gato i ne ge su kam Sabat anato tepsu Yefun Allah bi sukduno-i, bado siri kadit e?”

Lukas 14:3 ပူးပေါင်းရင်းမြစ်များ

Matius 12:10

Mo nu ari ne yetu ge dik yo syim deyo út sok mone dom. Ye Farisi ge bok yo mone iwa syeret os wa ki Yefun Yesus gum ibit mo suk gato An ben ne, sane ye Farisi ne ki do, ”Men ben ye gato i ne ge su kam Sabat, gato ye Yahudi bi kam sye ne anato tepsu men bi sukduno-i, bado, siri kadit e?”

Matius 12:2

Ye Farisi me suk gato Yefun Yesus bi pakon ben ne sa, án ki nai Yefun Yesus do, ”Nan me suk gato Nan bi pakon ben ne et. Án ben suk su kam sye kam Sabat gato siri kadit men bi sukduno-i ne.”

Matius 22:35

Ye Farisi ge dik yo gato owa duno nje su Yefun bi sukdu ne meret os wa Yefun Yesus. An ndo Yefun Yesus subot sukduno kwa yo.

Markus 3:4

Ye ne ma ti mo yé mwa gwem, orete Yefun Yesus ndo mo yé mwa mone do, ”Te, men simo Yefun Allah bi sukduno sane yo, men ben suk sato suma su kam sye kam Sabat ne? Men ben suk gato ndo bado, men ben suk gato ibit e? Men nai nje kadit sukye bado, men gu nje kwop e?” Sarewo yé mwa mone, án yo du nde, án not sor re.

Lukas 14:2

Yetu ge dik yo gato syua gat gwes si syim gun kem mo Yefun Yesus gwem mone.

Lukas 14:4

Yé mwa mone not, án yo ki suk yo mo nde. Orge Yefun Yesus syimtok ye gato i ne, Yefun Yesus ben ye ne ge, or Yefun Yesus syogat ye ne mu re.

Lukas 6:9

Orete Yefun Yesus ndo mo yé mwa mone do, ”Te, men simo Yefun Allah bi sukduno sane yo, men ben suk sato suma su kam sye kam Sabat ne? Men ben suk gato ndo bado, men ben suk gato ibit e? Men nai nje kadit sukye bado, men gu nje kwop e?”

Yohanes 7:23

Sane nin bisunat nin bi pa su kam sye subere nin ben suk yo siri kadit Musa bi sukduno-i nde yo, suma ben anato nin maskwa Ji mo gato Ji ben ye gato i ne ge satu su kam sye ne?