Lukas 14:23 - Abun Scripture

²³ Sane yenggras ne ki nai an bi pakwerut do, ’Nan mu kadit kota, nan mu mo nden et. Nan mubot os sye si os wok mone. Nan werwa ye gato kem mone ma dom subere ji bi nu ne ses.

Lukas 14:23 ပူးပေါင်းရင်းမြစ်များ

Matius 21:43

Yefun Yesus ki o do, ”Sane Ji ki sare do, nin ben sukibit sane bere Yefun Allah syun nin wé kadit An bi rus-i. Nin bi yewis-i yo tep wa sok mone o nde, wo yewis gato iwa jammo Yefun bere sok mo Yefun Allah bi rus-i ne win nin or re. [

Matius 5:41

Sane o, yesukmise syaugat nin sam an bi suk mu kom mo kilometer dik it yo, nin sam an bi suk mu kom mo kilometer we et.

Lukas 14:22

Pakwerut mu, orge an satu ma o. Pakwerut ne ki do, ’Yenggras, suk gato nan syaugat ji ben ne, ji ben or re, wo nan bi nu yo ses nde tó.’

Lukas 14:24

Ji ki sare do, ye gato ji kendo su ketke, ye gato bariwa ma git sugit mo pesta ne, bere yé ne yo git ji bi sugit mone nde, yé ne yo git wokgan dom nde.’ ”

Lukas 24:29

Sane pakon we kigat Yefun Yesus sare do, ”Nan si men kem sino more et. Karowa kam bok it are, bergan noru it.” Sane, Yefun Yesus si an we sok mo nu ne, án sino kem mone.

Suk Gato Yerasul Ben Ne 16:15

Sane Lidia ndekwa ye ras mom si mom bi rus-i ne sino mo syur, orge mom kendo men ma kem mo mom bi nu, mom ki do, ”Nin nut do ji onyar kem mo Yefun Yesus sisu sangge it yo, nin ma nin sem mo ji bi nu sor.” Lidia ki bi sukdu-i ne nai men sane sor, kom mo rut sa, men simo mom, men sem mo mom bi nu-i.

Suk Gato Yerasul Ben Ne 18:6

Sarewo ye Yahudi ge bok yo duwer Paulus mo sukdu ne. Yé bok ne maskwa ket Paulus, yé bok ne kabor Paulus sane sor kom mo rut sa, Paulus tet sukkwik kadit an bi san tepsu suknapa wa ye Yahudi mo sukibit gato ye Yahudi ben ket an. Tomgane Paulus ki do, ”Nin misyar sukdu gato ji ki ré, sane bere Yefun Allah ben sukye nai nin mone sor. Yefun Allah ben sukye nai nin yo, nin maskwa ji nde. Ji anato ki rer wa nin jam ware, nin bariwa re. Sane, ré ne, ji mu ki sukdu subot Yefun Yesus nai yewis yi jam sor.”

Suk Gato Yerasul Ben Ne 28:28

Orete Paulus ki do, ”Ji iwa nin jam do, os ndo gato Yefun Allah fro wa nai men yetu wé kadit sukye subere men kem ndo to kapyo mato kapyo, ye Yahudi misyar or re. Sane su ré yé gwat sukdu ne mu ki frekbot yewis yi neya jam re. Yewis yi bere iwa jammo sukdu ne.” [

Suk Gato Yerasul Ben Ne 9:15

Sarewo Yefun Yesus ki nai Ananias do, ”Nan mu sor! Ji bes an wa an mu ki subot suk gato Ji ben ne nai ye Israel si yewis yi si bi yekwesu-i.

Roma 10:18

Sarewo ji ndo mó do: Sangge, ye Israel jam sukdu subot os ndo ne nde tó bado? Nde re, án jam it, we ye krom mo Yefun Allah bi sukdu do, ”Yé ki sukdu ne frekbot bur ré iwedewe it. Án bi sukdu-i ne kas kom mo pe mwa ne or sino re.”

2 Korintus 5:11

Men sa, men nyuwa men bi Yekwesu Yefun Yesus. Men jam do, men ben sukibit yo, bere men ku sukye mone. Sane anato men wergat ye yi neya subere yé mwa ne brek ete jammo Yefun et. Yefun Allah dakai jam men kom mo mit, sane men mit iwa nin dom jam men kom mo mit, tepsu Yefun re.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

2 Korintus 6:1

Men anato ye gato ben Yefun Allah bi suk-i, sane men ki nai nin do, nin kamo su os ndo gato Yefun Allah dakai fro yi wa nin nde. Yefun Allah dakai fro os ne wa nin, nin yo ben suk yo nyim wa An nde, sane nin misyar os ndo ne nde, wo nin simo os ne sisu sangge sor.

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.

Kolose 1:28

Sane men kibot Yesus Kristus nai yé mwa ne sino jam. Men ki suknapa wa nje e, men duno nje e, men ki men bi sukdu-i ne, men nutbot sisu ndo, orete men kibot. Men ki men bi sukdu-i sane subere men kar yetu kadik-kadik ma mo Yefun Allah tepsu ye gato onyar kem pe mo Kristus, subere án sino tepsu yenggras gato bi sukjimnut kak mo Kristus bi suk-i.

2 Timotius 4:2

Nan ki subot os ndo gato Yefun Allah fro wa yé mwa jam sisu ndo et. Nan duno nje gat, ye bari o, ye iwa o, nan duno nje gat sor. Nan me ye gato ben sukibit yo, nan ki mo án, nan ndantom án subere án kwet kadit sukibit gato án ben ne, ete án ben suk gato ndo. Nan wergat nje subere án benbot sukduno gato nan duno án su ne. Nan duno nje sisu njep sor. Kapre ye yo jammo nan bi sukduno kekro nde, nan maskwa wokgan dom nde, wo nan werwa kom-kem petok sor.