Lukas 14:1 - Abun Scripture

¹ Ye Yahudi bi kam sye, kam Sabat dik yo ete Yefun Yesus mu git sugit mo ye Farisi bi yepasye dik yo bi nu-i. Yefun Yesus kem mo nu ne sa, ye Farisi si yeguru agama mone sokwa An pe sor, sawe Yefun Yesus ben suk yo siri ket ye Yahudi bi sukduno-i.

Lukas 14:1 ပူးပေါင်းရင်းမြစ်များ

Matius 12:12

Men ós suksi, sarewo yetu anato ndo wai kadit suksi, sane men ós yetu su kam sye ne anato tepsu men bi sukduno re.”

Markus 3:2

Ye deyo mone, yé ne iwa meret os wa ki Yefun Yesus gum ibit mo suk gato An ben su kam Sabat ne. Sane yé bok ne sokwa Yefun Yesus pe, án nut mo án syidem do, ”Te, Yefun Yesus ben ye yo ge su kam sye kam Sabat ne bado?” {Do Yefun Yesus ben ye ne ge yo, bere yé ne ndak Yefun Yesus do, An ben suk siri kadit sukduno subot kam Sabat.}

Lukas 11:37

Yefun Yesus ki suk ne or sa, ye Farisi dik yo kendo Yefun Yesus ma git sugit mo an bi nu. Sane Yefun Yesus mu, Yefun Yesus git sugit mo ye Farisi bi nu ne.

Lukas 14:2

Yetu ge dik yo gato syua gat gwes si syim gun kem mo Yefun Yesus gwem mone.

Lukas 17:20

Ye Farisi ge bok yo ndo mo Yefun Yesus do, ”Kap ot ete Yefun Allah ma jowa men yetu mo bur ré ne?” Yefun Yesus ki do, ”Yefun Allah ma jowa yetu mo bur ré, bere men yo jam kadit suk gato men me su men gro nde.

Lukas 20:20

Sane yeguru si yekwesú ne eswa bi kam-i tep wa án but Yefun Yesus. Yekwesú ne syo sugum nai yetu ge bok yo gato ben nggwa tepsu ye gato ben sukndo. Yé bok ne mu ndarwa Yefun Yesus, yé ne meret os wa ben kidar Yefun Yesus. Án ndobot Yefun Yesus, subere Yefun Yesus do ki suk yo siri it yo, án ku os wa án but Yefun Yesus, ete án gwat Yefun mu án syo mo yepasye gato jowa bur ne syim-i.

Lukas 6:7

Ye Yahudi bi yeguru agama si ye Farisi mone, yé ne iwa meret os wa ki Yefun Yesus gum ibit mo suk gato An ben su kam Sabat ne. Sane yé ne sokwa Yefun Yesus pe, yé ne nut mo án syidem do, ”Te, Yefun Yesus ben ye yo ge su kam sye kam Sabat ne bado?” {Do Yefun Yesus ben ye ne ge yo, bere ye Farisi si yeguru ne ndak Yefun Yesus do, An ben suk siri kadit sukduno subot kam Sabat.}

Yohanes 3:1

Yenggras dik yo, an gum do Nikodemus, an tepsu ye Yahudi bi yekwesu, an sok mo ye Farisi bi de-i.

Suk Gato Yerasul Ben Ne 5:34

sarewo yepasye ge dik yo gato gum do Gamaliel ti mo yepasye ne gwem ete ki an bi sukdu-i. An ye Farisi, an yeguru gato duno ye Yahudi subot Musa bi sukduno. Yé mwa ne sino un yenggras ne. Yenggras ne ti, an nukbot bi sukdu-i nde tó, yenggras ne syogat ye gwat yerasul bok ne mu nden yei.