Lukas 13:29 - Abun Scripture

²⁹ Bere yetu mwa mo bur ré iwedewe, ye wis mwa ne sino ma git sugit mo pesta sye mo pe gato Yefun Allah jowa men tepsu men bi Yekwesu.

Lukas 13:29 ပူးပေါင်းရင်းမြစ်များ

Matius 8:11

Ji ki sare do, bere su kam sari ne ma yé mwa git sugit mo pesta sye mo pe gato Yefun Allah jowa nje tepsu men bi Yekwesu, sarewo yewis ye Israel gato bi yepasye mo Abraham e, Isak e, si Yakub ne bere yo mwa nde, wo yewis yi mwa kadit bur ré iwedewe si yepasye ka gri ne bere git sugit sino mone.

Markus 13:27

Bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Lukas 13:30

Sane yé mwa gato yé bes gum kok su ré yo, bere kam sari ne ma Yefun Allah is yé ne gum wé, án gum yo mo nde re. Sane dom yé mwa gato su ré án gum yo mo nde yo, bere Yefun Allah bes yé ne gum kok mone tó.”

Suk Gato Yerasul Ben Ne 28:28

Orete Paulus ki do, ”Ji iwa nin jam do, os ndo gato Yefun Allah fro wa nai men yetu wé kadit sukye subere men kem ndo to kapyo mato kapyo, ye Yahudi misyar or re. Sane su ré yé gwat sukdu ne mu ki frekbot yewis yi neya jam re. Yewis yi bere iwa jammo sukdu ne.” [

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.

Kolose 1:6

Sukdu subot os ndo gato Yesus Kristus kak ne, ye ki frekbot yé mwa jam mo bur ré iwedewe re, anato ye mwa ne napyo simo os ndo ete ku sukndo mo sukdu ne re. Sane dom, nin waii jammo sukdu ne. Kadit kam ketke gato sukdu ne frekbotnin sa, nin simo os ndo ete nin ku sukndo mone re. Nin jam rer do, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Sukdu ne nin jam kom mo mit re.