Lukas 13:28 - Abun Scripture

²⁸ Bere nin me Abraham e, Isak e, Yakub sisu yenabi mwa ne sino mo pe gato Yefun Allah jowa men tepsu men bi Yekwesu. Sarewo nin dakai, bere Yefun bare nin mu mo nden kadit re. Sane bere nin wo ndo nde, nin nderku nin dakai mone.

Lukas 13:28 ပူးပေါင်းရင်းမြစ်များ

Matius 13:42

Orete bere malaikat bare yé mwa ne mo bot gesyos. Mone yé mwa ne wo ndo nde, án nderku nggwa.

Matius 13:50

orete án bare yé gato ben bi suk-i ibit mo bot gesyos. Mone yé mwa ne wo ndo nde, án nderku án nggwa.”

Matius 22:13

Sane yeraja ki nai bi pakwerut ge bok ne do, ’Nin but ye ré, nin rai an gwes si an syim ne krat, orete nin am an mo nden, mo pe gato ndendu. Mone yé wo ndo nde, mone yé dakai nderku nggwa.’ ”

Matius 24:51

Sane bere pa bi yenggras sap pa kaim wip ndo nde. Orete yenggras syun pa ne mu ngga mo pe gato yé. Mo pe ne pa si ye gato kidar do, an mit iwa an ben an bi yenggras bi suk-i, sarewo an mit tara re. Pa ne si yé ne ku sukye mone sino, án wo ndo nde, án sino nderku án dakai mone.”

Matius 25:30

Sane nin gwat pa gato bambrai ré, ete nin bare pa ne mo pe gato ndendu. Mone bere pa ne wo ete nderku nggwa.’ ”

Lukas 10:15

Sane dom, nin yé gato kem mo kota Kapernaum, bere yé bes nin gum kok wai kadit nje mo kota yi neya bado? Sane nde, bere Yefun Allah bare nin mo bot gesyos.”

Lukas 14:15

Yetu ge dik yo gato si nje git mone jam Yefun Yesus ki sukdu ne sa, ye ne ki do, ”Bere mo pe gato Yefun Allah jowa men tepsu men bi Yekwesu ne, ye to git sugit mo pesta sye mone yo, ye ne mit at wa wai o re.”

Lukas 16:23

Yepasye da gesyos ngga mo bot gesyos. An kem mone, ete an ku sukye ndo nde. Yepasye sok mu nim, ete an me Abraham si Lazarus kem mo pe gato ndo, sarewo os syu kadit an re.

2 Tesalonika 1:5

Sane men jam do, bere Yefun Allah syo sukye nai yé gato ben sukibit nai nin mone tó. Nin ku sukye mo gato nin jammo Yefun Allah tepsu nin bi Yekwesu. Nin ku sukye, ete nin yo misyar Yefun nde, anato Yefun Allah ki subot nin do, nin sa, ben nin bi suk-i tepsu yé gato An iwa An nai sok mo An bi rus-i.

2 Petrus 1:11

Sane bere men bi Yekwesu Yesus Kristus kak An mit wa men sok mo pe gato gesyos, ete men si An kem mone. Men bi Yekwesu Yesus Kristus gato kak os wa men sok mo Yefun Allah bi rus-i ne, bere An jom yé mwa ne sino mo pe ne.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.