Lukas 13:27 - Abun Scripture

²⁷ Yenggras ne ki o do, ’Ji jam nde nin re, nin yé gato ben sukibit, nin mu kadit Ji tom!’

Lukas 13:27 ပူးပေါင်းရင်းမြစ်များ

Matius 25:12

Yebris gane ki do, ’Ji bari. Ji jam nde nin re.’

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Lukas 13:25

Nusyo ne kak tó, sarewo yenggras gato bi nu ne ti ete syimwa nusyo krat yo, yenggras do ben sane yo, bere nin ma ti mo nusyo de nden, nin ki do, ’Yenggras, nan kak nusyo wa men sok et.’ Orge bere yenggras ne ki nai nin do, ’Ji jam nde nin, nin mu kadit u ne?’

1 Korintus 8:3

Sarewo ye to bi sukjimnut sye kas subot Yefun Allah it yo, Yefun Allah bes ye ne tepsu An bi yesyim.

Galatia 4:9

Wo su ré nin jam Yefun Allah tepsu nin bi Ai it. Sane sor nde, wo Yefun Allah dom nut mo nin do, An bi pá mo nin. Sane su ré suma ben anato nin brek ete nin jammo yerom e, aboksye e ne satu o ne? Suk bok ne bi suktinggi yo kom mo pe yo nde. Nin iwa nin gum pakwerut wa suk ne satu o re bado?

2 Timotius 2:19

Sarewo Yefun Allah bi sukduno-i kem pe kadit ketke. Yetu yo nggiwa rus sukduno kwa wokgan yo wé dom nde. Yefun Allah bi sukduno-i tepsu nu bi pondasi gato ye ut mo bur ketke wa ye syut kwedi mó. Mo pondasi mo bur ne ye krom do, ”Yefun Allah jam ye gato sok mo An bi rus-i.” Ye krom o do, ”Ye gato ki rer do, sangge an sok mo Yefun Allah bi rus-i yo, an kwet kadit sukibit mwa gato an ben suga nyim ne wé et.”