Lukas 13:19 - Abun Scripture

¹⁹ Yefun Allah bi rus-i tepsu kwe nam gro mo sukamno ré. Ye yo nai kwenam gro dik yo ete jan mo bi nggwe. Kwe nam gro ne kom sye wai o re. Kwe namke ne sye sor ndam ma tom mo i-guk.” {Sane dom Yefun Allah jom men yetu tepsu men bi Yekwesu, diksim yetu gato sok mo An yo mwa nde re, kom mo rut yetu gato sok mo An yé mwa wai o re.}

Lukas 13:19 ပူးပေါင်းရင်းမြစ်များ

Matius 17:20

Yefun Yesus ki do, ”Nin yo onyar kem mo Yefun krat tep wa ben pa ne ge nde. Suk gato Ji ki ré suksangge anare, nin onyar kem mo Yefun wokgan sor re, saga sawi gro wokgan ne, bere nin ku suktinggi tep wa nin syogat bobuk ré do, ’Nan mu kem motu et!’ orete bobuk ne mu re. Bere nin nggiwa ben suk mwa ne sino. [

Markus 4:30

Yefun Yesus ki o do, ”Yefun Allah bi rus-i gato An jowa tepsu Yekwesu ne te, bere sa u ne? Sukdu subot Yefun Allah bi rus-i ne te, tepsu sukamno sato suma ne?

Lukas 17:6

Yefun Yesus ki nai án do, ”Nin onyar kem mo Yefun wokgan sor re, saga sawi gro wokgan ne, bere nin ku suktinggi tep wa nin syogat kwe ap ré do, ’Nan tik nan ke buk kadit bur, nan mu ti, ete nan kom mo sem et!’ Sane bere kwe ap ne benbot suk gato nin ki ne.”

Suk Gato Yerasul Ben Ne 2:41

Ye gato onyar kem mo sukdu gato Petrus ki ne, ye ras án mo syur re. Sane su kam gane, karowa yetu ge ribu gri sok mo Yesus Kristus bi yetugei tó ye gato nyim ne.

Suk Gato Yerasul Ben Ne 21:20

Yakobus si yekwesu mwa ne jam sukdu ne sa, án un Yefun Allah. Orge án ki nai Paulus do, ”Men bi nji, nan jam do ye Yahudi ribu bok yo onyar kem mo Yefun Yesus it. Án sino werwa benbot Musa bi sukduno ne petok sor.

Suk Gato Yerasul Ben Ne 4:4

Yé bok ne but an we, ete sok an we mo penjara, sarewo yé mwa gato jammo an we bi sukdu-i ne nai sukjimnut dik do, sukdu ne sangge, án brek kadit os nyim bi sukdu-i, ete án simo os be gato Yefun Yesus kak ne, án onyar kem mo Yefun Yesus it. Sane ye gato nai sukjimnut wa án simo os be gato Yefun Yesus kak ne sok tó doga nyim ne, ye newa nje mone kom mo yetu ge ribu mumek sino re.

Roma 15:19

Ji ki subot suk gato Yefun Allah Gen ben ji nggiwa ji ki ne. Yefun Allah Gen ben ji nggiwa ji ben ye gato i ne ge e, ji sun ye gato kwop mbau satu e, ji syun semda wé e ne, ji ben suk bok ne anato ben yé mwa ne yeket ndo nde. Suk gato ji ben ne kadum Yefun Allah Gen bi suktinggi-i nai yé mwa ne jam re. Ji ki sukdu subot os ndo gato Yesus Kristus kak wa men yetu ne mo pe mwa neya ketke mo kota Yerusalem, or o kadit ne sor kom mo kota Ilirikum ne re.

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”