Lukas 13:13 - Abun Scripture

¹³ Orete Yefun Yesus ak An syim mo nggon ne. Yefun Yesus do ak An syim mo nggon ne sa, nggon ne nyoran ri satu it anane, orete mom un Yefun Allah.

Lukas 13:13 ပူးပေါင်းရင်းမြစ်များ

Matius 9:8

Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.

Markus 16:18

Kapre yé ne syimtok siri is kwis gato bi ri mó, ete kwis jau án, bere án yo kwop nde. Yé ne da siri is mut, da siri is kwe kri e suk yo sane, bere án yo kwop nde. Án do ak syim mo ye gato i yo, bere ye gato i ne ge kadit bi suki ne re.”

Markus 5:23

ete an ndek gat Yefun Yesus do, ”Yenggras, ji bi pa donggon i ndo nde, bergan mom kwop rok it. Sane Nan si ji mu mo ji bi nu wa Nan ak Nan syim mo ji bi mam et, subere mom ge kadit suki ne, subere mom yo kwop nde.”

Markus 6:5

Yefun Yesus yo ben suk yo gato ben yé yeket ne mo nde. An ak An syim mo yetu ge bok yo sor re, ete ben yé bok ne ge re.

Markus 8:25

Yefun Yesus grem syim mo ye ne gro wam dik yo o. Sugane ye ne gro ndo satu it. Ye ne gro ndo satu, an me suk mwa ne sisu ndo it.

Lukas 13:12

Yefun Yesus sokme nggon ne sa, Yefun Yesus kendo nggon ne ma mo yé mwa gwem, ete An ki nai nggon ne do, ”Im o, Ji ben nan ge kadit nan bi suki ré, nan nyoran ri satu it anare.”

Lukas 18:43

Yefun Yesus do ki An bi sukdu or sa, ye ne gro ndo satu it anane. Orge an si Yefun Yesus mubot os ne, ete an un Yefun Allah mone. Yé mwa mone me suk gato Yefun Yesus ben ne sa, yé mwa ne un Yefun Allah dom.

Lukas 4:40

Kam bok, ndendu re, yé mwa gwat ye gato i su suki wis bok yo ma mo Yefun Yesus. Sane Yefun Yesus ak An syim mo ye gato i ne kadik-kadik, orge yé mwa ne sino ge kadit án bi suki re.

Suk Gato Yerasul Ben Ne 9:17

Sane Ananias mu mo nu gane, ete an sok mo nu mit. Ananias ku Saulus mone, orge an ak an syim mo Saulus. An ak an syim mo Saulus sa, an ki do, ”Saulus, ji bi nji, Yefun Yesus gato nan ku mo os mit sugato nan ma more, An anato men bi Yekwesu. Yefun Yesus ne syogat ji ma ku nan, subere ji ak ji syim mo nan subere nan gro ndo satu, si Yefun Allah Gen bok nggwa mo nan dom.”