Lukas 13:11 - Abun Scripture

¹¹ Mo yé mwa ne, nggon dik yo gato yenggwak ben, nggon ne i sor kom mo tahun musyu dik sop munggwo. Nggon ne, yenggwak syat an nyoran kwek. Nggon ne yo ti ri ndo nde.

Lukas 13:11 ပူးပေါင်းရင်းမြစ်များ

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Markus 9:21

Yefun Yesus ndo mo pa bi ai do, ”Pa ré i kom mo kam ot rek it ne?” Pa ne bi ai ki do, ”Kadit pa ka pa wokgan ne it.

Lukas 13:12

Yefun Yesus sokme nggon ne sa, Yefun Yesus kendo nggon ne ma mo yé mwa gwem, ete An ki nai nggon ne do, ”Im o, Ji ben nan ge kadit nan bi suki ré, nan nyoran ri satu it anare.”

Lukas 13:16

Nggon ré, Abraham bi dat, yenggwak ben mom i sor kom mo tahun musyu dik sop munggwo. Ndo sa, Ji sombok mom wé kadit yenggwak gato rai mom su kam sye ré.”

Lukas 21:28

Nin me suk mwa ne do bor it yo, nin ti nggi, we bergan suk gato ndo wai bor mone. Bergan sor ete Yefun Allah sombok nin wé kadit sukye, ete Yefun nai nin kem ndo to kapyo mato kapyo mo An bi nat-i.”

Lukas 8:2

Nggon ge bok yo si Yefun Yesus mu sino dom. Nggon ge bok ne Yefun Yesus ben ge kadit bi suki, Yefun Yesus syun semda wé kadit re. Nggon ge bok ne, dik yo gum do Maria gato bi nat mo Magdala. Yefun Yesus syun semda ge mufit wé kadit Maria ne.

Lukas 8:27

Án nor mone, Yefun Yesus is kadit kwem mu nden sa, yebris dik yo gato semda ben ne, an ma mo Yefun Yesus. Ye ne bi nat-i mo kota mo bur ne. Nam it, semda ben an, sane an yo it san yo mo nde. An bariwa an kem mo nu, wo an kem mo jokwak mo makwe sor.

Lukas 8:43

Nggon ge dik yo gato fo sor kom mo tahun musyu dik sop we ma si yé mwa mone dom. Nggon ne syo mom bi suk mwa ne or nai dokter bok yo ware, nggon ne yo ge mo nde.

Suk Gato Yerasul Ben Ne 3:2

Yetu ge dik yo, ye ne gwes út kadit kam gato an bi im kem su an ne, yé sam ye gwes út ne ma. Ye grem an mo Yefun Allah bi nusyo dik yo gato ye kendo do, ”Nusyo gato ndo.” Kamdik-kamdik yé grem ye gato gwes út mone, subere an ndek sugum mo yé gato sok mo nu mit ket nusyo ne.

Suk Gato Yerasul Ben Ne 4:22

Ye gato an we ben ge su Yesus Kristus bi suktinggi-i ne, ye ne sye tepsu tahun musyu at wai re.