Lukas 12:4 - Abun Scripture

⁴ ”Ji bi yesyim, Ji ki sare do, nin nyuwa ye gato nggiwa gu nin da kridek kwop ne nde. Ye ne gu nin da kridek kwop sor, wo an yo nggiwa ben suk yo o nde.

Lukas 12:4 ပူးပေါင်းရင်းမြစ်များ

Matius 10:28

Nin nyuwa ye gato nggiwa gu nin da kridek kwop ne nde, wo nin nyuwa Yefun Allah gato nggiwa gu nin da kridek si nin da gesyos ne sino, ete bare mo bot gesyos.

Yohanes 15:13

Ye gato bi sukjimnut sye kas subot an bi yesyim sisu ndo wai anato ye gato bi an nggwa kwop wa bi yesyim ne.

Suk Gato Yerasul Ben Ne 20:24

Sarewo ji yo bi sukjimnut subot ji dakai teker eta nde, wo ji nut mo suk gato Yefun Yesus syogat ji ben anato sye. Ji werwa ji ben suk gato men bi Yekwesu Yesus Kristus syogat ji ben ne, ji werwa ji ben wa pe sane sor, dakai or su. Yesus Kristus syogat ji mu ki sukdu subot os ndo gato Yesus Kristus kak wa men yetu nai nje jam. Kapre men yetu yo ben suk yo nyim wa An nde, Yefun Allah dakai bi sukjimnut sye kas subot men anato An fro os ndo wa men yi sor.

Suk Gato Yerasul Ben Ne 4:13

Yepasye mwa gato sum mone, án yeket Petrus si Yohanes mo sukdu gato an we ki ne. An we ki an we bi sukdu-i ne, an we yo nyu nde, an we yo nokwa nde, an we ti an we ki sor. Sarewo an we yo sok mo nu farkor sye nde, an we yo ku gum mo nde. Yepasye ne yeket an we mone. Yepasye jam do an we ye gato si Yefun Yesus mu sino.

Filipi 1:28

Ye gato duwer nin mo Yefun bi sukdu-i ne, nin yo nyuwa yé ne nde, mo sukwokgan dom nde. Nin nyuwa nde yo, bere yé ne jam do, sangge bere Yefun Allah bare án mo bot gesyos, wo nin sa, bere Yefun Allah ós nin kem ndo to kapyo mato kapyo.

Yakobus 2:23

Suk gato Abraham ben ne, an ben tepsu Yefun Allah bi sukdu kwa dik yo gato duwe do, ”Abraham onyar kem mo sukdu gato Yefun Allah ki nai an, sane anato Yefun Allah nut mo Abraham do, an sa, tep wa sok mo Yefun Allah bi rus-i it.” Sane Yefun Allah ki do, An bi yesyim mo Abraham.

1 Petrus 3:14

Wo nin do ku sukye mo sukndo gato nin ben ne it yo, nin wi nin ambre sor, we bere Yefun Allah ben sukndo su nin mo koirut o re. Nin nyuwa ye gato werwa ben sukye nai nin nde, nin nutbot sukibit gato an ben ne teker eta dom nde.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.