Lukas 12:39 - Abun Scripture

³⁹ Sane nin napawa suk ré et. Ye gato bi nu jam do, ye gato syimsi suk ma su noru ne yo, bere an eswa yesyimsi ne ete yesyimsi ne yo ku os wa sok mo nu ne nde.

Lukas 12:39 ပူးပေါင်းရင်းမြစ်များ

Matius 24:42

Sane nin frawa nin nggwa, we nin jam nde kam gato bere nin bi Yekwesu ma su ne.

Matius 6:19

”Nin sum suk mwa wa nin dakai mo bur ré nde, we mo bur ré, kundun si on bere git nin bi suk ne ibit or re. Sane dom bere ye sok mo nin bi nu mit, ete gitsi nin bi suk napyo or re.

2 Petrus 3:10

Sarewo kam gato Yesus Kristus ma ne, bere An ma tepsu yegitsi gato ma wa syimsi suk ne, bere men gensu sor re. Tepsu kam ne, ben sato suk yo pu mo gu, ete sugane gu ne fres re. Ete suk mwa gato kem mo gu nim ne bot git or re. Sane dom bur ré si suk mwa gato mo bur ré fres or re.

Wahyu 16:15

Yesus Kristus ki sukdu subot kam sye ne do, ”Nin jammo suk gato Ji ki ré et. Bere Ji ma tepsu yegitsi. Kam gato Ji ma su ne, nin jam nde re, bere nin gensu sor. Ye gato frawa nggwa pe sor, ete fro bi san ndek, subere án mu yo, án kawarun nde, án damen dom nde, yé ne sa, mit at wa, we bere Yefun ben sukndo su yé ne re.”

Wahyu 3:3

Sukduno gato yé duno nin su ne, nin napawa pe sor. Sukduno gato yé ki nai nin jam re, nin jam it, sane nin kwet kadit os ibit, ete nin benbot sukduno ne et. Sarewo nin sem su sukduno ne tó. Nin yo brek satu ma ete muket os gato ndo nde yo, bere Ji ba tepsu yegitsi. Kam gato Ji ba ku nin ne, bere nin gensu.