Lukas 12:30 - Abun Scripture

³⁰ Yé mwa ne sino gato jam nde Yefun mo bur ré bi sukjimnut sye mo suk mwa ré petok sor, wo nin bi Ai Yefun Allah jam do nin mitmo suk ne.

Lukas 12:30 ပူးပေါင်းရင်းမြစ်များ

Matius 10:20

Sukdu gato bere nin ki ne yo ma kadit nin nde, wo sukdu ne bere ma kadit nin bi Ai, Yefun Allah mo gu ne, An Gen bere kadum sukdu gato ndo wa nin ki mone.

Matius 18:14

Sane dom, men bi Ai mo gu bariwa ye gato sok mo An bi rus-i sim ge dik yo muri kadit An.”

Matius 5:47

Sane dom, nin mu ki ndo mo nin bi yesyim sor re, nin ben suk sato suma anato ndo mone ne? Ye gato jam nde Yefun ben suk sane dom.

Matius 6:1

”Nin ben suk gato ndo tepsu Yefun Allah mit mo yé mwa gwem subere yé mwa me, ete bes nin gum kok mone, bere siri re. Nin ben suk bor mo yé mwa gwem subere ye bes nin gum kok it yo, bere nin bi Ai mo gu yo syo suk yo nai nin nde.

Matius 6:32

Ye gato jam nde Yefun bi sukjimnut sye mo suk mwa ne petok sor, wo nin bi Ai mo gu jam do nin mitmo suk ne.

Matius 6:8

Nin ben saga án ben ne nde. Nin ki suk su Yefun nde tó, nin bi Ai jam suk gato nin yewa nyim wé re.

Lukas 12:29

Sane nin bi sukjimnut sye mo suk gato nin git si suk gato nin da ne nde. Nin nutbot suk ne teker eta nde.

Lukas 12:31

Sane nin bi sukjimnut sye mo suk mwa ne nde, wo nin bi sukjimnut sye wa nin jammo Yefun Allah tepsu nin bi Yekwesu, ete nin ben sukndo tepsu Yefun mit sor. Sane bere Yefun syo suk mwa gato nin mitmo ne nai nin dom re.”

Lukas 12:32

”Nin yé gato yo mwa nde, nin nyu nde, nin anato Ji bi suksi. Bere nin bi Ai mo gu bes nin tepsu yekwesu gato ós An wa jowa An bi suk mwa ne sino.

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

Efesus 4:17

Sane nin jammo sukdu gato ji ki ré et, ji dakai bi sukdu-i anare nde, wo men bi Yekwesu Yefun Yesus anato syogat ji krom sukdu ré wa nin benbot et. Nin ben suk tepsu yé gato jam nde Yefun o nde. Yé gato jam nde Yefun bi sukjimnut yo kom mo pe yo nde.

1 Tesalonika 4:5

Nin da bro wa nggon tepsu ye gato jam nde Yefun da bro ne nde.